• Әхбаратлар еқими
• 15 Қыркүйек, 2016

«Балапандин» балиларға базарлиқ

Балиларниң мәктәпкичә болған тәрбийә вә оқутуш ишлирини рәтләйдиған  «Балапан» дөләт программиси  асасида Уйғур наһийәсидә 3 дөләтлик, 10 шәхсий вә 23 ихчам мәркәз өз паалийитини башлиған еди.  Бийилқи оқуш жилида Чарин йезисида 25 орунлуқ йәнә бир дөләтлик балилар бағчиси гөдәкләргә ишигини кәң ачти. Наһийәдә аһали сани җәһәттин иккинчи орунда туридиған Чарин йезиси үчүн балилар бағчиси муһим мәсилиләр қатарида болуп кәлди. Бу қетим җөндәштин өткән бена техи түнүгүнла түгмән орнида ишлитилгән екән. Кеңәш дәвридә болса, бу йәрдә балиларниң шат күлкисигә толған бағчә болған. Әнди дөләт һесавиға мурәккәп җөндәштин өтүп, қайта өз паалийитини башлиди. Мәрасимда сөзгә чиққан Чарин йезисиниң жигитбеши Муңдаш Сасиқов наһийә һакими Алимҗан Тохтасунов (сүрәттә оңда) өткән жили мошу йезиға кәлгәндә, ақсақаллар  балилар бағчисиниң һаҗәт екәнлигини ейтқанлиғини шу пәйттә һакимниң вәдә бәргәнлигини әскә алди вә наһийә һакимини өз вәдисидә турғанлиғи үчүн униңға жут намидин миннәтдарлиқ билдүрди. Шахризада САБИТОВА,