• Әхбаратлар еқими
  • 15 Қыркүйек, 2016

Варислиқ вә нәтиҗидарлиқ сақлансун

Дөләт рәһбири Парламент Мәҗлисиниң умумий мәҗлисигә қатнашти. Мәҗлис давамида Нур­султан Назарбаев Пре­мьер-Министр Кәрим Мәсимов рәһбәрлигидики Һөкүмәтниң истипаға ке­тишини қобул қил­ғанлиғини йәнә бир қетим тәкитлиди.Президент Кәрим Мә­симовқа вә Һөкүмәт әза­лириға әмәлгә ашур­ған ишлири үчүн миннәт­дарлиқ билдүрүп, мурәк­кәп вақитта паалийәт елип барғанлиғиға қа­римай, қоюлған бар­лиқ вәзипиләрниң орун­ланғанлиғини тәкитлиди. Конституцияниң 44-маддисиға мувапиқ Дөләт рәһбири Парламент Мәҗлисиниң қарап чи­қишиға Қазақстан Җум­һурийитиниң Пре­мьер-Министри лавазимиға Ба­қытжан Сағынтаевниң намзитини тәвсийә қилди. — Барлиқ вилайәтләр вә Астана һәм Алмута шәһәрлири һакимлириниң қатнишиши билән өткән Һөкүмәтниң кәңәйтилгән мәҗлисидә мән бирқатар йеңи вәзипиләрни  қойдум. Уларни  йеңи министрлар кабинети һәл қилиши керәк. Дуниявий ихтисатта вә сәясәттә сақлиниватқан  турақсизлиқ шараитида стратегиялик програм­ми­лиримизни әмәлгә ашу­рушни давам­лаш­туруш муһим. Һөкүмәттин бар­лиқ йөнилишләр бойичә ениқ, саватлиқ иш тәләп қилиниду. Бақытжан Са­ғынтаев йеңи Һөкүмәт ишиниң варислиғини вә нәтиҗидарлиғини сақлаш үчүн мунасип намзат дәп ойлаймән, — деди Нурсултан Назарбаев. Парламент Мәҗлиси­ниң депутатлири Премьер-Министр лавазимиға тәв­сийә қилинған Бақытжан Сағынтаевниң намзитини бир еғиздин мақуллиди. Бақытжан Сағынтаев өзигә билдүрүлгән ишән­чә үчүн тәшәккүр из­һар қилип, барлиқ кү­чи билән билимини қоюл­ған вәзипиләр һөд­дисидин чиқиш үчүн сәрип қилидиғанлиғини тәкитлиди. Хроника Дөләт рәһбириниң Пәрмани билән Владимир Зейнолла оғли Жумақанов башқа ишқа йөткилишигә бағлиқ Қазақстан Җумһурийити Миллий бехәтәрлик комитетиниң рәиси лавазимидин бошитилди.

178 рет

көрсетілді

0

пікір
Алдыңғы мақала «Балапандин» балиларға базарлиқ
Келесі мақала Сенат разилиқ бәрди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы