• Йеңилиқлар
  • 22 Қыркүйек, 2016

Йәттисуниң ишәшлик қәдәмлири

Дүшәнбә күни Дөләт рәһбири Нурсултан Назарбаев Алмута вилайитидә иш бабидики сәпәрдә болуп, регионда жүргүзүлүватқан өзгиришләрни жуқури баһалиди. Президент Йәттисуниң иҗтимаий-ихтисадий саһасидики әһвал билән тонушушни уттур Талдиқорған аэропортида башлиди. Бу йәрдә Дөләт рәһбирини учуш-қонуш мәйданини йеңилаш бойичә жүргүзүлүватқан ишлар, һава портини вә регион туризминиң инфрақурулумини тәрәққий әткүзүшниң истиқбали тоғрилиқ хәвәрдар қилди. Нурсултан Назарбаев аэропорт вә аэровокзал беналирини реконструкция қилишниң кетип бериши билән тонушти.

Андин кейин Президент Ескелди наһи­йәсидики «Нам Г.Н.» дехан егилигидә болди. Бу йәрдә Нурсултан Назабаев зираәт терилгән етизлиқларни арилиди, ферма рәһбири Герман Нам егиликниң паалийити билән тонуштурди. Дөләт рәһбири шундақла егиликтики заманивий техника паркини көздин кәчүрүп, андин кейин Йәттисуда әмәлгә ашурулуватқан әң муһим аграр лайиһиләр көргәзмиси билән тонушти. Йәрлик һакимийәт вәкиллири аграр-санаәт комплексини тәрәққий әткүзүш сүръити вә Алмута вилайитиниң қизилча, көмүқонақ һәм апорт алмисини йетиштүрүш бойичә бирқатар асаслиқ саһалирини тикләш үчүн көрүлүватқан чариләр тоғрилиқ доклад қилди. Вилайәт һакиминиң орунбасари Серикжан Бескемпировниң бәргән әхбаритиға қариғанда, фермерлар дөләт тәрипидин субсидия, уруқ, оғут вә техника түридә салмақлиқ ярдәмгә егә болуватиду. Нурсултан Назарбаев докладчини тиң­шиғандин кейин һазирқи вақитта йеза егилигини дөләт тәрипидин мәбләғ билән тәминләшниң өзгәргәнлигини тәкитлиди. Мениң деханларға болған мура­җиәтлиримниң асасий мәзмун-маһийити әмгәк үнүмини субсидияләшниң зөрүрлүгидин ибарәт, йәни мәбләғ ахирқи мәһсулатни йетиштүрүшкә берилидиған болиду, — дәп тәкитлиди Президент. — Йеза егилиги кооперациялирини тәрққий әткүзүш, ишләватқан гөш комбинатлириниң вә башқа мәһсулатни қайта ишләш карханилириниң қувитини ашуруш керәк. Буниңда чоң резервлар бар. Андин кейин Нурсултан Назарбаев Яркәнт крахмал-ширнә комбинатиниң, MPS гөш комбинатиниң, «Адал» сүт заводиниң вә «Дәулет-бекет» төгә өстүрүш егилигиниң мәһсулатини көздин кәчүрүп, регион деханлири билән сөһбәтләшти вә уларниң ишиға утуқ тилиди. Президентниң иш бабидики сәпири Текели шәһиридә давамлишип, бу йәрдә униңға инновациялик технологияләрни пайдилиниш арқилиқ төмүр рудисини қезиш вә уни қайта ишләп чоюн елиш лайиһисини әмәлгә ашурушниң кетип бериши тоғрилиқ доклад қилди. Текелидин кейин Дөләт рәһбири вилайәт мәркизигә келип, бу йәрдә бийил ечилған бирқатар иҗтимаий вә мәдәний объектларни көздин кәчүрди. Җүмлидин Нурсултан Назарбаев көпсаһалиқ шәһәрлик ағриқханиниң хадимлири билән учрашти. 300 орунға молҗаланған мәһкимә аһалиға жуқури квалификациялик медицина ярдимини көрситиватиду. Клиника заманивий җабдуқлар билән тәминләнгән. Талдиқорғандики Мәктәп оқуғучилири сарийида Дөләт рәһбири биология, физика кабинетлирини, техникилиқ иҗадийәт көргәзмисини, хореография залини, чоң концерт залини көздин кәчүрүп, бәдиий галерея билән тонушти. Нурсултан Назарбаев балилар вә уларниң ата-анилири билән сәмимий сөһбәтлишип, иҗадий утуқ вә паравәнлик тилиди, шундақла Мәктәп оқуғучилири сарийиға заманивий автобус соға қилди. Талдиқорғандики йеңи қурулушлар арисида Яшларға хизмәт көрситиш мәркизи алаһидә орунни егиләйду. Бу йәрдә Президентни мәһкиминиң паалийити тоғрилиқ хәвәрдар қилди. Дөләт рәһбири көпсаһалиқ залда болуп, Талдиқорған вә Нуркент шәһәрлирини тәрәққий әткүзүш плани, шундақла Яркәнт-Қорғас агломерациясини тәрәққий әткүзүшниң комплекслиқ лайиһиси билән тонушти. Президент сәпириниң ахирида шәһәрниң йәнә бир диққәткә сазавәр җайи — «Жастар» истираһәт беғида болди. Дөләт рәһбири бағни реконструкция қилиш һәм аватлаштуруш ишлириниң кетип бериши билән тонушуп, шәһәрликләр вә вилайәт мәркизи меһманлириниң дәм елиши үчүн яхши шараит яритишниң муһим екәнлигигә диққәт ағдурди. Бу йәрдә Нурсултан Назарбаев йәрлик җамаәтчилик вәкиллири билән учрашти. Вилайәтниң чегариға йеқин орунлишиши ихтисатниң транспорт-логистика вә электр энергияси саһалирини тәрәққий әткүзүшниң зөрүр екәнлигини тәләп қилиду, — деди Президент. — Бүгүнки күндә дөләт программилириниң әмәлгә ашурулуши вә вилайәт һакиминиң мениң тапшурмилиримни ениқ орунлиши түпәйли бу саһалар җошқун тәрәққий етиватиду. Регионниң иҗтимаий лайиһиләрни әмәлгә ашуруштики утуқлириниму тәкитләшкә әрзийду. Шуниң билән бир вақитта течлиқ вә милләтләрара разимәнликни сақлашниң хәлқимизниң мустәқиллик жиллиридики муһим утуқлириниң бири дәп һесаплаймән. Силәргә мустәһкәм саламәтлик, ишиңларға утуқ тиләймән. Өз новитидә талдиқорғанлиқлар Милләт Лидериға Алмута вилайитигә диққәт бөлүватқанлиғи вә аһалиниң паравәнлигини ашурушқа қаритилған нәтиҗидарлиқ дөләт сәясити үчүн миннәтдарлиқ билдүрди. Андин кейин журналистлар үчүн болуп өткән мәтбуат конференциясидә Дөләт рәһбири регионға қилған иш бабидики сәпириниң йәкүнини чиқарди. Президент 2014-жили бәргән тапшурмилириниң өз вақтида орунлиниватқанлиғини алаһидә тәкитлиди вә индустриал программиларни һәм «Нұрлы жол» программисини әмәлгә ашурушниң ихтисадимизниң өсүшигә, демәк, аһалиниң турмуш дәриҗисиниң өсүшигә ярдәм қилидиғанлиғиға ишәнчә билдүрди.

1304 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы