- Йеңилиқлар
- 06 Қазан, 2016
Тәбиәткә шәйда жигит
Исми Рафаэль, Фамилияси Аллабәрдиев, туғулған жили 1980. / Сөйүмлүк гезитимиз «Уйғур авазиниң» сәһипилиридә җәмийитимизниң һәрхил саһалирида жуқури пәллиләргә қол йәткүзгән уйғур яшлириниң көпчиликкә тонуштурулуватқанлиғи һәммимизни хошал қиливатиду. Бу болсиму, биз, уйғурларниң һәммә саһаларда әмгәк қилип вә шу арқилиқ миллий мәдәнийитимиз билән әдәбиятимизни өз йолида риваҗландуруп, башқа милләт вәкиллиридин һеч қелишмай, җумһурийитимизниң иҗтимаий-ихтисадий тәрәққиятиға биркишилик һәссимизни қошуватқанлиғимизниң ярқин ипадиси болса керәк.
Бүгүн мән әйнә шундақ яшлиримизниң бири – илим дуниясида үзүп жүргән Рафаэль Аллабәрдиевни гезитханларға тонуштуруп өтмәкчимән. Ата-анисиниң ейтишичә, Рафаэль кичигидинла тәбиәткә ашиқ болуп өсүпту. Униң башқиларға анчила охшимайдиған бу хил қизиқишини байқиған бова-момилириму униңға пайдилиқ мәслиһитини берип, һаяттин өз орнини тепишиға зәмин яритиду. Рафаэль бүгүнки күндә жәнубий пайтәхттики Қазақ миллий аграрлиқ университетини вә Литва шәһиридики Александр Стулгенский намидики дөләт университетини һәм магистратурини муваппәқийәтлик тамамлиған орманчилиқ саһасиниң яш мутәхәссисидур. 2003-жили у «Қазақ орман лайиһиләштүрүш» мәһкимисигә ишқа қобул қилиниду. – Бизниң асасий вәзипимиз – орман егиликлирини тәкшүрүп, уларниң лайиһилирини сизиш вә һәрхил апәтләр нәтиҗисидә көйгән яки ғулиған қариғайларниң орниға көчәтләрни олтарғузуш, «Қизил китапқа» киргән һайванлар билән қушларни назарәт қилиш вә, умумән, тәбиәткә мунасивәтлик һәммә ишларни компьютерға чүширип, мәркәзгә әхбарат бериштин ибарәт, – дәйду у сөһбәтара. Рафаэльниң орманчилиқ илими билән шуғуллинип, жуқури пәллиләрдин көрүнүш армини бар екән. Биз униң келәчәктә бу арманлириниң әмәлгә ешишиға тиләкдашлиқ билдүримиз. Шеринбүви ҖӘЛИЛОВА. Уйғур наһийәси.475 рет
көрсетілді0
пікір