• Билип қоюң
  • 06 Қазан, 2016

Қәриздарларға қарши күрәш күчәйди

4-октябрь күни Алмута шәһәрлик Энергетика вә коммуналлиқ егиликләр башқармисиниң башлиғи Ермек Усембаев бийил турушлуқ өйләргә иссиқ бериш мәвсүми һарписида көрситилгән коммуналлиқ хизмәтләр үчүн турақлиқ һәқ төлимәй келиватқан адәмләргә қарши көрүлидиған қәтъий чариләр һәққидә ейтип бәрди. Униң сөзичә, әнди ундақларға хәлиққә хизмәт көрситиш мәркәзлириму хизмәт көрситиштин баш тартиду, башқарминиң хадимлири, қәриз адәмләрниң киримини ениқлаш үчүн уларниң иш орунлириға бариду.

— Әпсус, биз көпқәвәтлик өйләрдики айрим бир пәтирни коммунал хизмәтләрдин, ейтайлуқ, иссиқтин айралмаймиз. Чүнки иссиқ умумий тармақтин берилиду. Мәсилән, 40 адәм коммунал хизмәт үчүн зәрдап чекиши керәк әмәсқу? Лекин қәриздарларға қарши күришишни күчәйтиш  керәк. Бу ишни биз қолға алдуқ: ишикләргә мундақ адәмләрниң исим-фамилияси йезилған тизимларни чаплаватимиз, уларни аммивий әхбарат васитилиридә елан қилимиз. Адәмләр уларни билиши керәк. Һазирқи күндә биз наһийәлик һакимийәтниң, хәлиқкә хизмәт көрситиш мәркәзлириниң, пәтир егилири кооперативлириниң вәкиллири билән иш елип бериватимиз. Өткән жили коммунал хизмәтләр сайтлирида вә дөләт гезитлирида қәриз адәмләрниң тизимини елан қилғинимиз иҗабий нәтиҗиләрни бәрди. Билсәк, уларниң арисида судьялар, һакимниң орунбасарлири, тиҗарәтчиләр вә башқилар бар екән. Биз үчүн истимал қилғучиларниң барлиғи охшаш. Пәқәт һал-оқити начар адәмләргила қәризлирини төләшкә қошумчә вақит беришимиз мүмкин, — деди әмәлдар. Е.Усенбаевниң сөзичә, бийилқи қиш мәвсүмидә соғ вә иссиқ суниң, исситишниң һәм канализацияниң баһаси өсмәйду. Шәһәрлик һакимийәт монополистларниң баһани көтириш тоғрилиқ тәкливини рәт қилди.

Насирахун РОЗАХУНОВ,

372 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы