• Әхбаратлар еқими
  • 06 Қазан, 2016

Биз меһманларни қарши елишқа тәйяр

Астанада «ЭКСПО-2017» Хә­лиқ­ара көргәзмисини уюш­турғучиниң идарисидә «Астана ЭКСПО-2017» Миллий шир­кити» акционерлиқ җәмийити башқармисиниң рәиси Ахмет­жан Есимов Қазақстан Җум­һурийитидә тиркәлгән 50тин ошуқ дипломатик вакаләтханиниң рәһ­бәрлири билән учрашти.Ахметжан Есимов Хәлиқара дипломатик корпусниң вәкиллиригә қилған мураҗиитидә һазирқи вақитта 174 гектар мәйданға орунлашқан ЭКСПО объектлири қурулушиниң аяқлишиватқанлиғини тәкитлиди. Октябрь ейиниң ахирида инсталляциялик вә башқа ишларни жүргүзүш үчүн мошу объектларни рәсмий қатнашқучиларға тапшуруш планлиниватиду. — Силәр қурулуш мәйданлирида болуп, миллий секцияләр комиссарлири, уларниң аилә әзалири вә хизмәт қилғучи персонал үчүн ЭКСПО-шәһәрчисиниң тәйяр екәнлигигә көз йәткүздүңлар. Шундақ қилип, биз меһманларни қарши елишқа тәйяр, — дәп тәкитлиди Ахметжан Есимов. Учришиш даирисидә «Астана ЭКСПО-2017» Миллий ширкити» акционерлиқ җәмийити башқармисиниң рәиси «Келәчәк энергияси» көргәзмисини уюштуруш ишлириниң кетип бериши тоғрилиқ тәпсилий сөзләп бәрди. Һазирқи вақитта 103 мәмликәт вә 17 хәлиқара тәшкилат көргәзмигә қатнишидиғанлиғини билдүрди. 98 секцияләр комиссарлири тайинлинип, хәлиқара тәшкилатларни қошуп һесаплиғанда, 82 мәмликәт билән көргәзмигә қатнишиш тоғрилиқ шәртнамә имзаланди. 61 дөләт Миллий күнләрни өткүзүш сәнәлирини бәлгүлиди. Шундақла Ахметжан Есимов жиғилғанларни «Әң яхши әмәлиятлар зониси» павильони үчүн энергия саһасидики яхши дуниявий әмәлиятлар конкурсиниң болуп өткәнлиги тоғрилиқ хәвәрдар қилди. Ейтмақчи, хәлиқара таллавелиш комиссияси бийил 15-сентябрьдә 133 лайиһидин әң яхши 22 әмәлиятни таллавалди. Конкурсқа қатнишиш үчүн дунияниң 25 мәмликити буйрутма бәргән еди. Андин кейин Ахметжан Есимов меһманларниң чәтәллик қатнашқучилар үчүн имтиязлиқ программиларға вә әлчиханилар тәрәптин делегацияләр үчүн мәхсус билет программилириға мунасивәтлик соаллириға җавап бәрди. Чарә-тәдбир даирисидә Италия, Малайзия, Әзәрбәйҗан вә Индонезия әлчилириниң қатнишиши билән аммивий әхбарат васитилириниң вәкиллири үчүн мәтбуат конференцияси өткүзүлди.

247 рет

көрсетілді

0

пікір
Алдыңғы мақала Тәзийә билдүрди
Келесі мақала Тәсирлик өткән тәнтәнә

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы