• Дидар ғенимәт
  • 17 Қазан, 2016

Устазимиз билән учраштуқ

Шагирт чүшәнчисидә мәктәп – һаят қибилгаһи, әқилгә әқил қошидиған билим кани, келәчәккә йоруқ чүширидиған күн нури. Шундақ қибилгаһ бол­ған ана мәктивимиздин буниңдин 43 жил илгири, йәни 1973-жили жутимиз Байсейиттики И.Тайиров намидики уйғур оттура  мәктивиниң 10-«Б» синипини 19 нәпәр қиз-жигит тамамлидуқ.

Бизниң дәсләпки ус­та­зимиз Чолпан һәдә Рәхмитуллаева еди. У яқ муәллим болушни кичигидин арман қилған екән. Шуңлашқа Яркәнт педагогика училищесида тәһсил көрүп, әмгәк паалиийтини 18 йешида башлайду. Һелиму ядимизда, өзи яш болсиму, муәллимликниң усул-услублирини толуқ өзләштүргән, билим беришни пәрзим дәп билгән Чолпан Рәхмитуллаева 1963-жили мәктәпкә дәсләп қәдәм тәшрип қилған биз, 25 оқуғучини, кәң қучақ йейип, иллиқ тәбәссүми билән қарши алған еди. «Вақит алдираңғу, сақлап турмайду» дегинидәк, мана ана мәктәп босуғисидин мустәқил һаят қойниға қәдәм басқинимизға йерим әсиргә йеқин вақит бопту. Балилиқ дәвримизни әсләп, 2016-2017-оқуш жилиниң дәсләпки күн­лириниң биридә сабиқ синипдашлар биринчи му­әл­лимимиз Чолпан һә­дә Рәхмитуллаева би­лән баш қоштуқ. «Дәм ғе­нимәт, дидар ғенимәт» болған учришишта, дәстихан әтрапида, әң есил балилиқ чағлиримизни, оқуғучилиқ дәвримизни әсләп, узақ муңдаштуқ. Мәктәп қойнида болған қизиқ вақиәләрни ядимизға чүширип күлүштуқ. Ил­лиқ вә қизиқ әслимиләр билән ортақлаштуқ. Бир­-биримизни турмуш-ти­рик­чилигимизни вақип қилдуқ. Йүзлигән шагиртларни учум қилған Чолпан Рәхмитуллаева биз, шагиртлириниң, утуқ­лиридин хәвәр тапқанда, хошаллиқғиниң чеки бол­миди. У өз нутқида шагиртлириниң арисида кәсипдашлириниң бар екәнлигини мәмну­ни­йәт билән тилға ал­ди вә баш қошушниң тәшәббускарлириға тәшәккүр изһар қилди. Бизму қәлбимизгә билим уруғини чачқан дәсләпки устазимизға  шагиртлиқ миннәтдарлиғимизни бил­дү­рүп, узақ өмүр, хатирҗәмлик тилидуқ вә бир-биримизни қиялмай хошлаштуқ. Бүвинур ТОХТАХУНОВА. Әмгәкчиқазақ наһийәси. СҮРӘТТӘ: синипдашлар дәсләпки устази Ч.Рәхмитуллаева (биринчи қатарда солдин төртинчи) билән.    

397 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы