• Йеңилиқлар
  • 03 Қараша, 2016

Павильонлар тапшурулди

Дүшәнбә күни Астанадики  ЭКСПО-2017 территориясидә Хитай, Франция, Германия, Венгрия вә Түркиягә дәсләпки көргәзмә павильонлирини тапшуруш мәрасими болуп өтти.Көргәзминиң бәш асасий объекти – хәлиқара павильонлар, 1374 орунлуқ  ЭКСПО-шәһәрчә, ЭКСПО-офис, ички ишлар бөлүми вә Энергияни тәтқиқ қилиш мәркизи – қурулушиниң аяқлишиши  «НК «Астана ЭКСПО-2017» акционерлиқ җәмийити үчүн муһим вақиә болди. Униң рәһбири Ахметжан Есимовниң тәкитлишичә, лайиһә қийин вақитта әмәлгә ашурулуватиду, бирақ Дөләт рәһбириниң һәртәрәплимә қоллап-қувәтлиши арқилиқ у һәқиқий боһранға қарши программиға айланди. Мәсилән, көргәзмә қурулушиға вә уни тәйярлашқа елимизниң 300дин ошуқ карханиси җәлип қилинди, лайиһә 50 миңға йеқин иш орнини вуҗутқа кәлтүрүш вә сақлап қелиш имканийитини бәрди. — Пәқәт мошу қурулуш мәйданидила 14 миң адәм бәнт болди. Объектларни селиш вақтида 492 миллиард тәңгилик ишлар орунланди вә хизмәт  көрситилди. Иш «Сфера» миллий павильонни, конгресс-холл вә меһманхана охшаш башқа қурулуш объектлиридиму графикқа мувапиқ жүргүзүлүватиду. Келәр жили җәмийәтлик зонилар уюштурулуп, территория аватлаштурулиду. Бу беналарниң умумий мәйдани 482 миң, йәни йерим миллион квадрат метрға йеқин, — дәп тәкитлиди Ахметжан Есимов. Павильонларни тапшуруш мәрасимида шундақла ХХҖ комиссари Ван Цзиньчжэнь, Францияниң ЭКСПО-2017 бойичә баш комиссариатиниң коммуникацияләр вә ташқи алақилар бойичә мудири Малгожата Туар, Германия Федератив Җумһурийитиниң Қазақстандики Пәвқуладдә вә Толуқһоқуқлуқ Әлчиси Рольф Мафаэль сөзгә чиқип, «Келәчәк энергияси» мавзуси бойичә өз концепциялири билән қисқичә тонуштурди. Шуни әслитип өтүмизки, 2017-жили 10-июнь – 10 сентябрь арилиғида өтидиған Хәлиқара көргәзмигә бүгүнки күнгә қәдәр 105 дөләт вә 17 хәлиқара тәшкилат қатнишидиғанлиғи тәстиқлинип, 102 комиссар тайинланди, 88 қатнишиш шәртнамиси имзаланди. ЭКСПО-2017 объектлириниң 90 пайизи тамамланди.

200 рет

көрсетілді

0

пікір
Алдыңғы мақала Президент һозурида
Келесі мақала Дөләтчиликниң шәкиллиниши

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы