• Муштири топлаш — 2017
• 05 Желтоқсан, 2016

Жигитбашлири: муштириларниң сани жигирмә миңдин кам болмаслиғи керәк

Уйғур жутлирини жигитбашлирисиз тәсәввур қилиш мүмкин әмәс. Жигитбеши шу жутниң атиси. Мәйли яхшилиқ болсун, мәйли башқа еғир күн чүшсун, тикидин-тик туруп егидарчилиқ қилидиғанму әйнә шу жут егилири. Униңдин бөләк биз, бәш-алтә жилдәк вақит болуп қалди, җәмийәтлик ишларғиму паал қатнишидиған болдуқ.Бийил ҖУЭМ йенидики Жигитбашлири кеңишиниң рәиси Абдурешит Мәхсүтовниң тәшәббуси билән бирдин-бир миллий нәшримиз болған «Уйғур авази» гезитиниң муштирилири санини жигирмә миңға йәткүзүш мәсилиси көтирилди. Бу, биринчидин, жигитбашлириниң җәмийәттә егиләйдиған ролини көрситиду. Биз, әлвәттә, бу тәшәббусни қоллап-қувәтләймиз. Кәтмән йезисида 260 уйғур аилиси яшайду. Булту «Уйғур авази» гезитиға 185 адәм муштири болған болса, бийил 200дин ашиду дегән нийитимиз бар. Һазир 9 кочиниң жигитбашлири, аяллар кеңишиниң әзалири, җәмийәтлик ишларниң активистлири қизғин иш елип бериватиду. Кәтмән йезисидики почта бөлүминиң башлиғи Почунай Садиқованиң әмгигини алаһидә атап өткүм келиду Әйнә шундақ миллитимизниң җанкөйәрлириниң күч селиши түпәйли, муштири топлаш қизғин кетип бариду. Әң асасий нәрсә, адәмләрниң кәйпияти яман әмәс, демәк, көзлигән мәхситимизгә йетимиз! Камал ШӘХИЕВ, Кәтмән йезисиниң жигитбеши. Уйғур наһийәси.