• Спорт
• 09 Желтоқсан, 2016

Рәқивини бәш секундтила тиз пүктүрди

Йеқинда Хитайниң Җинҗоу шәһиридә «Conquеct of Heroes» намлиқ спортниң қаидисиз йәкму-йәк түри бойичә хәлиқара турнири өтти. Униңға дунияниң 10ға йеқин дөлитидин кәспий спортчилар қатнашти. Қазақстандин 66 килограмм салмақ дәриҗисидә уйғур жигити Баһадур Вильямусов һүнәр қөрсәтти. Баһадур өз рәқивини, йәни Хитай елиниң спортчисини җәң башлинип, бәш секундтин кейин тиз пүктүрди. Әлвәттә, бу чоң утуқ екәнлиги сөзсиз. Баһадур Вильямусов өзи Уйғур наһийәси Баһар йезисида туғулған. Кичигидинла спортққа қизиқип, ушу-саньда билән шуғуллинип келиватиду. Һазир «Баһар» спортклубида шуғуллиниватиду. Туризм вә спорт академиясиниң 4 курс студенти. Тәкитләш лазимки, Баһадур кәспий дәриҗидә дәсләпки қетим қаидисиз йәкму-йәк бойичә рингқа чиқти. Шуниңға қаримай, чоң утуққа еришти. Қошумчә қилиш керәкки, мәзкүр турнирда йәнә бир уйғур жигити Илияр Иминов 84 килограмм салмақ дәриҗисидә һүнәр көрситип, хитайлиқ спортчини йеңивалди. Өз новитидә, бизму икки яш спортчиға келәчәктә утуқлар тиләймиз. Йолдаш МОЛОТОВ.