• Спорт
  • 09 Желтоқсан, 2016

Талланма команда тәркивидә — уйғур жигити

Мошу йеқинда, йәни 19 – 27-ноябрь күнлири Павлодар шәһиридә чоңлар арисида бокс бойичә Қазақстан чемпионати өтти. Униңда 64 килограммғичә болған салмақ дәриҗисидә рингқа чиққан спорт маһири Дилмурат Миҗитов мукапатлиқ үчинчи орунни егиләп, бокс бойичә Қазақстан миллий талланма командисиниң тәркивигә елинди.Дилмурат һазир 21 яшта. 13 йешидин башлап бокс билән шуғуллиниватиду. У «Аттила» спорт клубиниң бокс бойичә баш мәшиқләндүргүчиси Долқун Камековниң шагирти. Әлвәттә, Дилмуратниң бу утуғида Долқунниң әмгиги чоң. Чүнки сәккиз жилни өз ичигә алған наһайити еғир вә һәрхил көнүкмиләрдин ибарәт техника-тактикилиқ мәшиқләр арқида қалди. Әнди, Долқунниң қәйт қилишичә, алда пәқәт утуқлар күтүп туруши керәк. Чүнки бу салмақ дәриҗиси бойичә Дилмурат Қазақстан бойичә әң күчлүкләр қатарида алаһидә тилға елиниду. Ейтиш керәкки, Дилмурат Миҗитов онлиған хәлиқара вә җумһурийәтлик турнирларниң ғалиби, 2011-жилниң өсмүрләр арисида Қазақстан чемпиони, 2015-жилқи чоңлар арисидики Қазақстан биринчилигиниң күмүч медалиниң саһиби. Келәр жилниң 1-январидин тартип, Дилмурат Миҗитовқа һәр айда, қанунда бәлгүләнгән мөлчәрдә, Спорт вә туризм министрлиги тәрипидин турақлиқ стипендия төлиниду вә Қазақстан миллий талланма командисиниң барлиқ оқуш-мәшиқлиниш тәйяр­лиқлириға һәқсиз қатнишиду. Бу, Долқун Камековниң ейтишичә, әндики Олимпиада оюнлириға тәйярлиқниң башлиниши бо­луп һесаплиниду. Ейтмақчи, Олимпиада оюнлириға тал­лавелиш турнирлири бир жилдин кейин башлиниду вә шуңғичә Дилмурат талланма команда тәркивидә болиду. — Бу биз үчүн чоң хошаллиқ, — дәйду «Аттила» спорт клубиниң президенти Адилҗан Зәйнавдун. – Қазақстан мустәқиллик алғандин буян бокс бойичә миллий талланма команда тәркивигә елинған дәсләпки уйғур Дилмурат Миҗитов болуватиду. Һазир Дилмурат укимизниң паалийитидин азду-тола хәвири бар барлиқ шәхсләрниң хошаллиғида чәк йоқ.  Мән, пурсәттин пайдилинип, бизниң боксчилиримизни һәртәрәплимә қоллап-қувәтләп келиватқан «Асфальтобетон» ҖЧЙниң баш мудири Варис ака Исламовқа алаһидә миннәтдарлиғимни изһар қилғум келиду. Әгәр бизниң мәхситимиз әмәлгә ешип, келәчәктә Дилмурат укимиз Олимпиада чемпиони аталса, нур үстигә нур болмақ. Илаһим, һәммимиз бирлишип шу күнләргә йетәйли! Бу йәрдә шуни қошумчә қилғум келидуки, «Аттиланиң» йәнә икки әзаси – Рәна Пәрһатова билән Ақерке Кусайинова – аяллар арисида бокс бойичә Қазақстан миллий талланма командисиниң тәркивидә рингқа чиқиватиду. Ейтмақчи, Дилмурат Миҗитов әсли Уйғур наһийәсиниң Ават йезисидин. Һазир Алмутидики «Ақбулақ» мәһәллисидә яшайду. «Мениң арминим Олимпиада чемпиони болуп, атам Ришат билән анам Венераниң бешини көккә йәткүзүш вә маңа һазир чоң үмүт артиватқанларниң ишәнчисини ақлаш» дәйду Дилмурат. Илаһим, шундақ болғай! Иврайим БАРАТОВ. Сүрәттә: Д.Камеков (солдин оңға) Д.Миҗитов вә А.Зәй­навдун.

180 рет

көрсетілді

0

пікір
Алдыңғы мақала Яш палванлар күч синашти
Келесі мақала Вәдисидә турған чемпион

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

18 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы