• Акция
• 16 Желтоқсан, 2016

«Зорлуқ-зомбилиққа қарши 16 күн»

Һәр жили елимизниң оттура билим бериш мәһкимилиридә мәзкүр акция даирисидә һәптиликләр  өткүзүлүп,  уларға прокуратура вә ички ишлар хадимлири тәклип қилиниду. Бийил бу акция «Бәхитлик аилә — бәхитлик әл» шиари астида өткүзүлди.Йеқинда Алмута шәһиридики М.Яқупов намидики 101-мәктәп-гимназиядә ушбу акция даирисидә «Биз зорлуқ-зомбилиққа қарши аләмни таллаймиз» мавзусида мәрасим болуп өтти. Униңға Жетису наһийәси прокурориниң баш ярдәмчиси Марина Агеева билән Жетису наһийәлик ички ишлар бөлүминиң чоң лейтенанти Нуржамал Муқанова қатнишип, сөз болуватқан мавзу әтрапида өз ой-пикирлири билән ортақлашти. Мәрасим давамида мәзкүр билим дәргаһиниң 9-синип оқуғучиси Арман Маденов өзи билим еливатқан гимназиядә  әмәлгә ашурулған чарә-тәдбирләргә әтраплиқ  тохталди. Мәрасим ахирида «Биз — Қуяш балилири» тәшвиқат топиниң һүнәрлири намайиш қилинди. Майгүл ҺЕЗБАҚИЕВА, мәктәп-гимназия мудириниң тәрбийә ишлири бойичә орунбасари. Алмута шәһири.