• Мукапат мубарәк!
• 16 Желтоқсан, 2016

Әмгиги мунасип баһаланди

Дөләт рәһбириниң «100 ениқ қәдәм» Милләт планиниң 35, 36 вә 60 – 64-қәдәмлиридә йеза егилигини тәрәққий әткүзүшниң йоллири ениқ көрситилгән. Униңға әмәл қилған егиликләрдә утуқлар нурғун. Йеқинда Алмута вилайәтлик һакимийәттә саһаниң йәкүнлири чиқирилип, илғар наһийәләр өзлиригә тегишлик баһасини алди. Йеза егилиги хадимлири күнигә беғишланған тәнтәнидә вилайәт һакими Амандық Батталов наһийәләр тәрипидин уюштурулған йеза егилиги көргәзмисини арилап чиқти. Көргәзмидә Әмгәкчиқазақ наһийәсиниң «Адал» ишләпчиқириш кооперативиниң, «Будан» вә «Голд Продукт» ҖЧЙлириниң вә «Айдарбаев» егиликлириниң мәһсулатлири орун алди. Тәнтәнигә қатнашқан саһа хадимлирини кәспий мәйрими билән тәбриклигән вилайәт рәһбири Қазақстан Җумһурийитиниң Президенти Нурсултан Назарбаевниң йеқинда аграрлиқ тәвәгә қәдәм тәшрип қилғинида, саһа тәрәққиятиға жуқури баһа бәргәнлигини йәткүзүп, бәзи камчилиқларғиму тохталди. Ахирида жилниң йәкүни чиқирилип, илғар наһийәләр мукапатланди. Җүмлидин Әмгәкчиқазақ наһийәси «Жәрмеңке-2016» номинацияси бойичә ғалип атилип, 210 миң тәңгилик сертификат билән дипломға егә болди. Шундақла мәзкүр наһийәдин «Айдарбаев» дехан егилигиниң мудири Ерлан Үмбетов вилайәт һакиминиң Тәшәккүрнамисигә еришти. Рашидәм РӘҺМАНОВА, Әмгәкчиқазақ наһийәси.