• Йеңилиқлар
• 16 Желтоқсан, 2016

Тәңгә күчәйди

 Нурсултан Назарбаев Миллий банк рәиси Данияр Ақышевни қобул қилди. Учришиш давамида Миллий банк рәиси Дөләт рәһбиригә малийә базириниң 2016-жилниң 11 айдики нәтиҗилири тоғрилиқ доклад қилди.Миллий банк рәиси тәңгиниң асасий дуниявий валютиларға мунасивәтлик турақлашқанлиғини тәкитлиди. — Кейинки жилларда Миллий банк валюта содилириға қатнашмайватиду. Шундақ қилип, алмаштуруш курси Миллий банкниң арилишишисиз тамамән әркин шәкиллиниватиду. Базарда хунсизлиниш ховупи азайди. Тәңгә көп җәһәттин мошу жилниң декабрь ейида нефть баһалириниң көтирилишигә бағлиқ 3,4 пайиз күчәйди, — деди Данияр Ақышев. Шундақла Миллий банк рәиси мошу жилниң ноябрь ейиниң йәкүни бойичә инфляция көрсәткүчи қайтидин бир орунлуқ санға қайтқанлиғини вә 2016-жилниң 11 ейида 7,5 пайизни тәшкил қилғанлиғини атап көрсәтти. Президент өткән жили миллий валютиниң әркин алмаштуруш курсиға көчүшиниң иҗабий нәтиҗә бәргәнлигини тәкитлиди. — Җарий қилинған тәңгини әркин алмаштуруш курси өзини ақлиди. Әтималим, айрим өзгиришләр орун елиши мүмкин, чүнки алмаштуруш курси дуниявий баһаларға бағлиқ, бирақ биз тегишлик чариләрни көрүшкә тәйяр, — деди Нурсултан Назарбаев. Дөләт рәһбири банк системисидики әһвални техиму турақлаштуруш вә малийә базиридики иш бойичә бирқатар ениқ тапшурмиларни бәрди.