• Турнир
  • 24 Шілде, 2012

Астана күнигә беғишланди

Йеқинда «Бирлик» җәмийәтлик фондиниң уюштуруши билән Алмута шәһириниң «Қулагер» микрорайонидики спорт мәйданида футболдин Астана күнигә беғишланған турнир болуп өтти. Турнирда Талғир һәм Җамбул наһийәлириниң, мәзкүр наһийәләрдики Туздыбастав, Бесағаш, Гүлдала, Узунағаш йезилириниң, шундақла Алмута шәһиридики Достлуқ, Заря-Востока мәһәллилириниң командилири өз ара күч синашти. Икки күнгә созулған турнирда баш мукапатқа Узунағаш йезисиниң командиси муйәссәр болди. Иккинчи орунға Талғир наһийәсиниң командиси, үчинчи орунға Туздыбастав, төртинчи орунға болса «Достлуқ» командиси егә болди. Шундақла бир нәччә футболчилар «әң яхши дәрвазичи», «әң яхши һимайичи», «әң яхши һуҗумчи», «әң яхши оюнчи» номинациялири бойичә пәхрий ярлиқларни елишқа сазавәр болди. Ахирида Жетысу наһийәси һакиминиң орунбасари Асқар Оспанов билән мәзкүр турнирниң уюштурғучиси «Бирлик» җәмийәтлик фондиниң президенти Адилҗан Зәйнавдунов мукапатлиқ орунларға еришкән командиларға кубок вә маддий соғиларни тапшуруп, спортчиларға ақ йол тилиди.

Бәхтишат СОПИЕВ.

СҮРӘТТӘ: Баш мукапат — кубокни тапшуруш пәйти.  

119 рет

көрсетілді

0

пікір
Алдыңғы мақала Чегаричи хатирисигә беғишланди
Келесі мақала Футбол мәйданида — гөдәкләр

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *