• «Уйғур авазиниң» сәйилгаһи
• 23 Желтоқсан, 2016

Интернет — һекмәт

Гүлҗаһан гөш комбинатида ишләйду. Бир күни у гөш сақлинидиған бөлмигә кирип, тоңлатқуларниң әһвалини бир қур тәкшүрүп көрмәкчи болиду. Амма тосаттин бөлмә ишиги йепилип қалиду. Гүлҗаһан қанчә тиришмисун, ишик ечилмайду. У авазиниң баричә вақирап, ярдәм сорайду. Амма бу пәйттә кәсипдашлириниң һәммиси өйлиригә қайтип кәткән еди. Аридин бираз вақит өткәндә, бири ишикни ачиду. У заводниң қаравули еди. Шу чағда Гүлҗаһан униңдин «Сиз қандақларчә мениң қамилип қалғинимдин хәвәр таптиңиз?» дәп сорайду. Қаравул униңға: «Мениң бу йәрдә ишләватқинимға узун жил болди. Алдимдин миңлиған ишчилар өтүп жүрди. Уларниң һечқайсиси мени тәңситмәтти, һәтта көзгиму илматти. Амма пәқәт сизла маңа алаһидә еһтирам билдүрүп кәлдиңиз. Әтигәнлиги «Әссалам» дәп қолиңизни көксиңизгә қоюп, сәмимий саламлашсиңиз, кәчқурунлуғи «Хәйир, көрүшкичә аман болайли» дәп иллиқ хошлишаттиңиз. Сизниң әйнә шундақ алий  инсаний мунасивитиңиз түпәйли өзәмни әтивалиқ, ғурурлуқ һис қилаттим. Әйнә шуңлашқиму бүгүн сиз мениң билән хошлашмиғачқа, ичкиридин чиқмиғиниңизни сәздим. Әнсирәп пүткүл комбинатни арилап, сизни издидим» дәп җавап бериду... Бу вақиәдин чиқиридиған хуласә шуки, әтрапиңиздики адәмләр билән дайим иллиқ, сәмимий мунасивәттә болуң. Шу чағдила Алланиң шапаитигә еришисиз.