• Әхбаратлар еқими
• 23 Желтоқсан, 2016

Қазақстан хәлқи Ассамблеясиниң тәбриги

Қиммәтлик вәтәндашлар! Қазақстан хәлқи Ассамблеяси Силәрни улуқ вә муқәддәс мәйрәм, Қазақстан хәлқи үчүн тарихий күн – Қазақстан Җумһурийити Мустәқиллигиниң 25 жиллиғи билән сәмимий тәбрикләйду!Мустәқилликниң 25 жиллиғи – һәрбиримиз үчүн алаһидә сәнә, әҗдатлиримизниң әркинлик тоғрилиқ әсирләр бойи қилған арманлириниң рояпқа чиқиши, Ұлы Дала Еліниң шәкиллиниши вә ғәлибиси шуниң билән бағлиқ. Биз Мустәқилликкә еришип, йәкдиллиқ билән өзимизниң Милләт Лидерини сайлидуқ, мустәқил тәрәққият йолиға чүштуқ, заманивий дуния қурулушиға утуқлуқ қошулдуқ. Мустәқиллик жиллирида Қазақстан Җумһурийитиниң Тунҗа Президенти – Милләт Лидери Нурсултан Әбиш оғли Назарбаев мәмликитимизни Евразия қитъәсиниң илғар дөлитигә айландурди, җәмийәттә течлиқ вә разимәнликни тәминлиди. Мошу 25 жилда хәлқимизни бирлик уқуми: умумий қәдрийәтләрниң, мәхсәт вә вәзипиләрниң, тәғдиримизниң бир екәнлигини чүшиниш бирләштүрди. Биз Мәңгілік Ел Чоң Мәмликитиниң Чоң Аилиси болдуқ. Биз өзимизгә вә пүткүл дунияға бирлик болғанда, хәлиқара бирләшмә үчүн течлиқ вә разимәнлик үлгиси болидиған дөләтни қурушниң мүмкин екәнлигини дәлиллидуқ. Чарәк әсирдә биздә Мустәқил Қазақстанда туғулған пүтүнсүрүк әвлат өсүп йетилди, у течлиқ вә разимәнлик идеялирини, Бирпүтүн Келәчәк Миллитини қоллап-қувәтләватиду вә мустәһкәмләватиду. Қиммәтлик жутдашлар! Мошу мәйрәм һаятиңиздики әң ярқин вә узақ сақлинидиған мәйрәм болсун! Силәргә саламәтлик, барлиқ изгүлүкләр вә паравәнлик тиләймиз! Вәтинимиздә дайимән течлиқ вә разимәнлик һөкүм сүрсун! Қазақстан хәлқи Ассамблеясиниң Кеңиши.