• Йеңилиқлар
• 23 Желтоқсан, 2016

Телефон арқилиқ сөзләшти

Нурсултан Назарбаев Сербия Җумһурийитиниң Президенти Томислав Николич билән телефон арқилиқ сөзләшти. Сөһбәт давамида Сербия Президенти Нурсултан Назарбаевни Қазақстан Җумһурийитиниң Мустәқиллик Күни билән тәбриклиди.Қазақстан вә Сербия рәһбәрлири иккитәрәплимә һәмкарлиқниң муһим мәсилилирини муһакимә қилди. Президентлар иккитәрәплимә мунасивәтләрни күчәйтиш үчүн Сербия Премьер-Министри Александр Вучичниң бийил ноябрь ейида Қазақстанға қилған сәпириниң йәкүнини иҗабий баһалиди. Сөһбәт Сербия тәрәпниң тәшәббуси билән болди. * * * Нурсултан Назарбаев Өзбәкстан Җумһурийи-тиниң Президенти Шавкәт Мирзиёев билән теле- фон арқилиқ сөһләшти. Сөһбәт давамида Шавкәт Мирзиёев Нурсултан Назарбаевни Қазақстан Җумһурийити Мустәқиллиги- ниң 25 жиллиғи билән тәбрикләп, Қазақстан хәлқигә техиму гүллиниш тилиди. Өз новитидә Нурсултан Назарбаев Шавкәт Мирзиёевни Өзбәкстан Җумһурийитиниң Президенти лавазимиға рәсмий киришиши билән тәбриклиди. Икки мәмликәт рәһбири иккитәрәплимә мунасивәтләрниң һазирқи әһвали вә истиқбалини муһакимә қилип, Қазақстан-Өзбәкстан һәмкарлиғини җанландурушни давамлаштурушниң муһим екәнлигини тәкитлиди. Сөһбәт Өзбәкстан тәрәпниң тәшәббуси билән болди. * * * Нурсултан Назарбаев Россия Федерациясиниң вә Түркия Җумһурийитиниң Президентлири Владимир Путин һәм Реджеп Тайип Эрдоған билән телефон арқилиқ сөһбәтләшти. Россия вә Түркия рәһбәрлири Нурсултан Назарбаевни Қазақстан Җумһурийити Мустәқиллигиниң 25 жиллиғи билән тәбрикләп, Қазақстан хәлқигә паравәнлик вә гүллиниш тилиди. Владимир Путин билән болған сөһбәт давамида пат-йеқинда өткүзүлидиған Алий Евразия ихтисадий кеңишиниң мәҗлисигә вә КБШТ саммитиға тәйярлиқ көрүш мәсилилири муһакимә қилинди. Түркия Президенти билән болған сөһбәт давамида Реджеп Эрдоған илгири мошу жилниң 12-декабрь күнигә планланған Астанаға сәпириниң кейингә қалдурулғанлиғиға әпсуслинидиғанлиғини билдүрди. Түркия рәһбири Қазақстан Җумһурийитини алдики вақитта зиярәт қилишқа тәйяр екәнлигини тәстиқлиди. Россия вә Түркия Президентлири Дөләт рәһбири билән регионал вә хәлиқара  күн тәртивиниң муһим мәсилилирини муһакимә қилди. Россия вә Түркия лидерлири Астанада Сириядики тоқунушқа тартилған тәрәпләрниң течлиқ музакирилирини өткүзүшкә мәнпийәтдар екәнлигини билдүрди. Нурсултан Назарбаев мундақ тәшәббусни қоллап-қувәтлиди вә музакириләр үчүн Қазақстан пайтәхтидә мәйдан беришкә тәйяр екәнлигини билдүрди. Дөләт рәһбири мәмликитимизниң әң баштин тартипла Сириядики тоқунушни течлиқ йоли билән биртәрәп қилишқа қаритилған хәлиқара күч-қувәтни қоллап-қувәтләватқанлиғини тәкитлиди.