• Йеңилиқлар
• 23 Желтоқсан, 2016

Исраил Премьери Қазақстанда болди

Өткән һәптидә Нурсултан Назарбаев Қазақстанға дәсләпки рәсмий сәпири билән кәлгән Исраил Премьер-Министри Биньямин Нетаньяху билән музакириләрни өткүзди.Тар даиридә өткүзүлгән учришишта Нурсултан Назарбаев билән Биньямин Нетаньяху Қазақстан-Исраил шериклигиниң асаслиқ йөнилишлирини муһакимә қилди, хәлиқара күн тәртивиниң муһим мәсилилири бойичә пикир елишти. Қазақстан Президенти мәмликитимизниң Исраил билән иш бабидики алақиларни техиму тәрәққий әткүзүшкә мәнпийәтдар екән- лигини тәкитләп, Астанадики учришишниң иккитәрәплимә мунасивәтләрни кәңәйтишкә қошумчә түрткә болидиғанлиғиға үмүт бил- дүрди. Өз новитидә Исраил Премьер-Министри мәмликәтниң Мустәқиллик юбилейи һарписида Қазақстанни зиярәт қилишниң өзи үчүн чоң шәрәп екәнлигини тилға алди. Исраил һөкүмитиниң башлиғи өз мәмликитиниң икки саһада – бехәтәрлик вә йеңи технологияләр саһалирида чоң илгириләшләр- ни қолға кәлтүргәнлигини тәкитлиди. Әйнә шуниңға бағлиқ икки хәлиқниң пайдиси үчүн у Қазақстанниң стратегиялик тәрәққият планлирини Исраилниң имканийәтлири билән бир- ләштүрүшни тәклип қилди. Кәңәйтилгән тәркиптики музакириләрдә Дөләт рәһбири сода-ихтисадий вә инвестициялик шерикликниң мәмликәтләр үчүн асасий йөнилиш екәнлигини әслитип өтти. Уни техиму күчәйтишкә Исраил капиталиниң қатнишиши билән Қазақстанда ихтисатниң түрлүк саһалирида ройхәткә елинған 270 ширкәт муһим һәссә қошуватиду. Музакириләр давамида Исраил тәрәп иккитәрәплимә һәмкарлиқни чоңқурлитиш үчүн Қазақстанниң транзит-транспорт капиталини пайдилинишқа мәнпийәтдар екәнлигини билдүрди. Униңдин ташқири «Астана» Хәлиқара малийә мәркизи билән өзара һәрикәт истиқбали, шундақла Исраилниң келәр жили Астанада өтидиған «ЭКСПО-2017» көргәзмисигә паал қатнишиши муһакимә қилинди. Биньямин Нетаньяху Президентқа мәмликитимизни зиярәт қилишқа тәклип қилғанлиғи үчүн миннәтдарлиқ билдүрүп, Қазақсан хәл- қини Мустәқилликниң 25 жиллиғи билән тәбриклиди. Музакириләрниң ахирида Дөләт рәһбири достанә Исраил хәлқини қәдәм тәшрип қиливатқан Ханука мәйрими билән тәбриклиди.Астанада болуп өткән музакириләр йәкүни бойичә бирқатар һөҗҗәтләр имзаланди. Мә- силән, Қазақстан вә Исраил һөкүмәтлири оттурисида йеза егилиги саһасидики һәмкарлиқ тоғрилиқ келишим түзүлүп, биометрикилиқ миллий паспортлар егилирини рухсәт елиш тәләплиридин бошитиш нийити тоғрилиқ бирләшкән декларация қобул қилинди. Униңдин ташқири Қазақстан вә Исраил оттурисида авиация саһасидики өзара чүшәнчә тоғрилиқ меморандум, «Миллий технологиялик тәрәққият агентлиғи» акционерлиқ җәмийити вә Исраилниң «Матимоп» санаәт илмий-тәтқиқат вә тәҗрибә-конструкторлуқ ишлар мәркизи оттурисида индустриялик тәтқиқатлар вә кәшпиятлар саһасидики өзара чүшәнчә тоғрилиқ меморандум вә Қазақстан Җумһурийитиниң Дөләт хизмити ишлири вә коррупциягә қарши туруш бойичә агентлиғи вә Исраилниң Дөләт хизми- ти комиссияси оттурисида һәмкарлиқ тоғрилиқ меморандум имзаланди.