- Әхбаратлар еқими
- 09 Қаңтар, 2017
Өзигә тайиниш
Бир күни қолүлиниң балиси анисидин сорапту:
Ана, биз немишкә туғулушимиздинла еғир һәм қаттиқ қапниң ичидә жүримиз?
Бизниң бәдинимиздә устихан йоқ, пәқәт өмиләләймиз, униң үстигә меңишимизму тез әмәс. Шуңлашқа бу қап бизни қоғдап туриду, — дәпту аниси.
Иппәк қурутиниңму устихини йоқ, өмилишиму аста? У немишкә бизгә охшаш еғир қап ичидә жүрмәйду?
Иппәк қурути кепинәккә айланғандин кейин, асман уни қоғдайду әмәсму?
Сазаңниңму устихини йоқ, меңишиму аста, у немишкә қап ичидә жүрмәйду?
Сазаң топиниң арисиға кирип кетәләйду, шуңлашқа униму топрақ қоғдайду.
Бу гәпләрни аңлиған қолүлә балиси мәйүслинип мундақ дәпту:
Һәй! Биз немә дегән бечарә, һә! Бизни асманму, зиминму қоғдимайдекән әмәсму?
Бизни асманму, топрақму қоғдимиғини билән, биз өзимизни өзимиз қоғдалаймиз, чүнки бизниң қепимиз бар.
Һекмәт: башқиларға тайинивалмастин, һәрқандақ ишта чоқум өзигә ишинип яшаш керәк. Башқиларниң ярдимини күтүп турувериш әмәлиятта мәғлубийәтни күтүп турғанлиқ билән баравәр.
(Интернет сәһипилиридин елинди).
732 рет
көрсетілді0
пікір