• Әдәбият гүлзари
• 09 Қаңтар, 2017

Бүйүк алим хатирисигә беғишланди

Әл-Фараби намидики Қазақ миллий университети Шәриқшунаслиқ факультетиниң  ТЮРКСОЙ бөлүмидә «Түрк йезиғи» мавзусида әдәбий кәч болуп өтти. «Яш түркшунас» вә «Қутадғу билик» әқлий клубиниң студентлири билән магистрантлири мәзкүр кәчни көрнәклик түркшунас, Қазақстан Миллий пәнләр академиясиниң академиги, филология пәнлириниң доктори, профессор, җәмийәт әрбаби Ғоҗәхмәт Сәдвақасовниң ярқин хатирисигә беғишлиди. Кәчкә филология пәнлириниң доктори, профессор Алимҗан Тиливалди, «Туран дунияси» җәмийәтлик фондиниң мудири Карлин Мәхпиров вә Ғоҗәхмәт Сәдвақасовниң рәпиқиси Омақ Һасанова қатнишип, алим һәққидә әслимилири билән бөлүшти. «Яхшиниң нами өчмәйду, алимниң — хети» демәкчи, мәһсулдар алимни әскә елиш арқилиқ илим-пән, җүмлидин уйғуршунаслиқ дуниясини чарлап өттуқ. Сәвәви, Ғоҗәхмәт Сәдвақасов һәққидә гәп қилиш — уйғуршунаслиқ  пәни тоғрилиқ ейтиш билән баравәрдур.

 Гүлҗамал ҚОРТАБАЕВА,

 ҚазМУниң доценти.