• Әхбаратлар еқими
  • 09 Қаңтар, 2017

Гөдәкләргә соға

Мәлумки, елимиздә балилар бағчилири мәсилисини һәл қилишта тиҗарәтчиләргә муһим вәзипиләр жүклиниватиду. Бу әснада вәтәнлик тиҗарәтчиләрниң паалийәтчанлиқ тонутуп, җай-җайларда балилар бағчилириниң ечилишиға уютқа болуватқини, әлвәттә, хошал  қилидиған әһвал. Буни  Уйғур наһийәсидиму көрүшкә болиду.Ахирқи жиллири йәрлик тиҗарәтчилиримиз бу ишқа жиддий киришиши түпәйли наһайәдики шәхсий балилар бағчилириниң сани жигирмигә йетип қалди. Алмута вилайити һакиминиң тапшурмиси түпәйли, Мустәқилликниң 25 жиллиғи даирисидә вилайәт бойичә 25 балилар бағчисини ечиш реҗиләнгән еди. Җүмлидин Уйғур наһийәсидә Мустәқиллик күни һарписида йәттә шәхсий балилар бағчиси гөдәкләргә өз ишигини ачти. Дәсләпкиләрдин болуп, наһийә мәркизи Чонҗа йезисиға орунлашқан  Һашимҗан Мәңсүровниң «Айгөлек» намлиқ қазақ вә уйғур топлиридин тәркип тапқан 50 орунлуқ шәхсий балилар бағчиси ечилди. Андин кейин Чоң Ақсу йезисидики 25 орунлуқ «Сәби Нұр», «Жулдыз», Түгмән йезисида 25 орунлуқ «Жулдыз», Долата йезисида «Ақниет», Чонҗа йезисида «Радуга», Чарин йезисида «Астана» шәхсий балилар бағчилири өз паалийитини башлиди. Мәзкүр  бағчиларниң ечилиш тәнтәнилиригә наһийә һакими Алимҗан Тохтасунов қатнишип, өзиниң иллиқ ләвзини билдүрди. Бу күни ишсиз жүргән 115 адәм турақлиқ иш билән тәминләнди. Жутдашлириға қол учини созуп, балилар бағчисини ачқан тиҗарәтчиләргә  утуқ вә амәт тиләймиз. Шахризада САБИТОВА. 

637 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы