• Йеңилиқлар
  • 09 Қаңтар, 2017

Бехәтәрлик йолидики җавапкәрлик вәзипә

Қазақстан БДТ Бехәтәрлик Кеңишиниң турақлиқ әмәс әзаси сүпитидики җавапкәрлик вәзиписини орунлашқа киришти. Җумһурийәт байриғи Бехәтәрлик Кеңишиниң Зали алдиға орнитилди, мәмликитимиз делегатлири биринчи мәҗлискә қатнашти. Униңда қатнашқучилар январь ейиға бәлгүләнгән иш программисини тәстиқлиди.Қазақстан намидин сөзгә чиққан Қазақстан Җумһурийитиниң БДТтики вақитлиқ ишәшлик вәкили Барлыбай Садықов Қазақстан үчүн муһим болған мәсилиләргә тохталди. Асаслиқ йөнилишләр тизимида алдини елиш дипломатияси вә ишәнчә чарилирини күчәйтиш, қурал тарқатмаслиқ, тоқунушларни биртәрәп қилиш вә хәлиқара терроризмға қарши туруш охшаш вәзипиләр туриду. Мәмликитимизниң БДТ Бехәтәрлик Кеңишиниң турақлиқ әмәс әзаси болуп сайлиниши муһим ташқи сәясий вақиә болди. Дәсләпки қетим Бирләшкән Дөләтләр Тәшкилатиниң аләмшумул течлиқ вә бехәтәрликни сақлаш вакалити жүкләнгән муһим хәлиқара қурулуминиң тәркивигә Мәркизий Азия дөлити кирди. Бу йәрдә шуни қошумчә қилиш керәкки, БДТқа әза һазирқи 193 дөләтниң үчтин бир қисми һечқачан Бехәтәрлик Кеңишиниң әзаси болмиған. Бизниң мәмликитимиз билән биллә Бехәтәрлик Кеңишигә турақлиқ әмәс қатнашқучи сүпитидә йәнә төрт дөләт – Италия, Эфиопия, Боливия вә Швеция кирди. Буниңда өткән жили сайланған бәш мәмликәт (Бехәтәрлик Кеңишиниң турақлиқ әмәс он әзасиниң бәши һәр жили алмаштурулиду, йеңи сайланған мәмликәтләрниң вакаләтлик қәрәли – икки жил) – Япония, Украина, Уругвай, Сенегал вә Мисир Бехәтәрлик Кеңишиниң тәркивидә қалиду. Қазақстан 2017-жили мана мошу мәмликәтләрниң вәкиллири, шундақла бәш турақлиқ әза – Россия, Бүйүк Британия, Хитай, Франция вә АҚШ билән һәмкарлиқта ишләйду.

436 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы