• Әхбаратлар еқими
  • 26 Қаңтар, 2017

Қазақстанда икки йеңи министрлик қурулди

Ақорда мәтбуат-хизмитиниң хәвиричә, Саламәтликни сақлаш вә иҗтимаий тәрәққият министрлиги айрим икки идаригә бөлүнди. Дөләт рәһбири Қазақстан Җумһурийити дөләт башқуруш системисини техиму мукәммәлләштүрүш тоғрилиқ Пәрманни имзалиди.«Қазақстан Җумһурийитиниң Саламәтликни сақлаш вә иҗтимаий тәрәққият министрлигини Қазақстан Җумһурийитиниң әмгәк вә аһалини иҗтимаий җәһәттин һимайә қилиш министрлигигә бөлүш арқилиқ қайта қурулиду. Униңға иҗтимаий-әмгәк саһасидики дөләт сәяситини шәкилләндүрүш вә әмәлгә ашурушқа бағлиқ функцияләр һәм вакаләтликләр вә Қазақстан Җумһурийити Саламәтликни сақлаш министрлигигә саламәтликни сақлаш саһасидики дөләт сәяситини шәкилләндүрүш вә әмәлгә ашурушқа бағлиқ функцияләр вә вакаләтликләр берилиду» дейилиду һөҗҗәт. Шундақла Президент Қазақстан Җумһурийитиниң инвестицияләр вә тәрәққият министрлигини экспортни тәрәққий әткүзүш үчүн җавапкәр қилип бәлгүләшни тохтам қилди. Униң туристик паалийәт саһасидики функциялири һәм вакаләтликлири мәдәнийәт вә спорт министрлигигә берилиду. Буниңдин ташқири Қазақстан Җумһурийитиниң Миллий ихтисат министрлиги қайта өзгәртилди. Әнди униң аһалиниң санитария-эпидемологиялик саһасидики дөләт сәяситини әмәлгә ашуруш бойичә функциялири һәм вакаләтликлири Саламәтликни сақлаш министрлигигә; электр қувити, (электро-тармақлиқ объектлар 0,4 квт) иссиқлиқ билән тәминләш, мәркәзләштүрүлгән иссиқлиқ билән тәминләш зонисида иссиқлиқ энергиясини ишләпчиқиришни әмәлгә ашуруш, аһалилиқ пунктлар чегариси даирисидә газ вә газ билән тәминләш саһасидики дөләт сәяситини шәкилләндүрүш вә әмәлгә ашуруш Қазақстан Җумһурийитиниң энергетика министрлигигә; мемарчилиқ, шәһәр қурулуш, қурулуш, турушлуқ өй мунасивәтлири, су билән тәминләш, су тармақлирини тартиш, коммуналлиқ  егилик вә коммуналлиқ чиқиндиларни пайдилиниш (қаттиқ турмуш чиқиндилиридин ташқири) саһасидики дөләт сәяситини шәкилләндүрүш вә әмәлгә ашуруш Қазақстан Җумһурийитиниң Инвестицияләр вә тәрәққият министрлигигә берилиду. Президентниң Пәрманиға бенаән Елжан Биртанов саламәтликни сақлаш министри; Тамара Дүйсенова әмгәк вә аһалини иҗтимаий җәһәттин һимайә қилиш министри болуп тайинланди.

660 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы