• Йеңилиниш 3.0 / Конституциялик ислаһатлар программиси
  • 09 Ақпан, 2017

Сенаторлар сәпәрдә

Бу күнләрдә Қазақстан Җумһурийити Парламенти Сенатиниң депутатлири Президент Н.Назарбаевниң «Қазақстанниң Үчинчи йеңилиниши: дуниявий риқабәткә қабиллиқ» намлиқ Мәктүбини хәлиқ арисида тәрғибат қилиш вә чүшәндүрүш үчүн регионларға атланди. Парламент Сенати Хәлиқара мунасивәтләр, мудапиә вә бехәтәрлик комитетиниң рәиси Дариға Назарбаева Тунҗа Президент фонди билән Дуниявий ихтисат вә сәясәт институтиниң хадимлири билән учрашти. Учришиш давамида Президент Н.Назарбаевниң «Қазақстанниң Үчинчи йөнилиши: дуниявий риқабәткә қабиллиғи» намлиқ Мәктүбини әмәлгә ашуруш мәсилилири муһакимә қилинди. Д.Назарбаева институт экспертлири вә фонд хадимлириниң диққитини Мәктүп қаидилиригә мувапиқ ишни қайта қелиплаштурушниң муһимлиғиға бөлди. «Хәлиқниң муң-муһтаҗиға, ички сәясәткә диққәт бөлүңлар, дөләт һаятиға паал қатнишиңлар» деди сенатор. Парламент Сенати Рәисиниң орунбасари Бектас Бекназаров, сенаторлар Манап Кубенов вә Асхат Кузеков Павлодар вилайитини зиярәт қилмақта. 3-февраль күни депутатлар Качир наһийәсидә болди. Песчаное йезисида улар мошу йәрдики механика заводиниң коллективи билән учрашти. Әнди Теренкөл йезисида болса, наһийә активи, йеза округлириниң һакимлири, җәмийәтлик тәшкилатларниң вәкиллири, ветеранлар вә журналистлар билән учришиш өткүзүп, Мәктүпниң асасий тезислирини тонуштуруп өтти. Қарағанда вилайитидә болған Парламент Сенати Конституциялик қанун, сот системиси вә һоқуқ қоғдаш органлири бойичә комитетиниң рәиси Серик Ақылбай Қарағанда вилайити судьялириниң кәңәйтилгән мәҗлисигә қатнашти. С.Ақылбай һакимийәт тармақлири арисидики вакаләтликләрни қайта бөлүш бойичә Конституциягә киргүзүлидиған өзгиришләр һәққидә тәпсилий ейтти. Сенатор шундақла Қарағанда вилайәтлик мәслиһәтниң депутатлири билән учрашти. Парламент Сенатиниң депутати Ахан Бижанов иш бабидики сәпири билән Алмутиға кәлди. 3-февраль күни сенатор 5-клиникилиқ ағриқхана коллективи билән учришип, Президент Мәктүбидә көрситилгән асасий әвзәлликләр мәсилилирини муһакимә қилди. Парламент Сенатиниң Малийә вә бюджет бойичә комитетиниң рәиси Рашит Ахметов Орал шәһириниң һакими, мәслиһәт депутатлири, ақсақаллар билән учрашти. Учришишта Р.Ахметов Асасий Қанунға киргүзүлидиған толуқтурушлар вә өзгиришләр тоғрилиқ һәм Президент Мәктүбидики асасий мәсилиләргә кәң тохталди. Сенатор Марат Тағимов Ақтөбә вилайити Темир наһийәсини зиярәт қилди. Шубарқудуқ йезисида депутат наһийәдики әмгәк коллективлириниң вәкиллири, ветеранлар, һоқуқ қоғдаш органлириниң хадимлири билән учришип, Мәктүптики асасий тезисларниң маһийитини чүшәндүрди. Парламент Сенатиниң депутати Рашит Акимов Ақмола вилайити Бурабай наһийәсини зиярәт қилиш пәйтидә Қатаркөл йезисидики йеза егилиги колледжи вә коммуникациялик мәркәздә болди. Йәрлик аһали билән учришишларда сенатор Мәктүптә көрситилгән йеза егилиги саһасиға мунасивәтлик мәсилиләргә кәң тохталди. Қизилорда вилайитидә иш бабидики сәпәрдә жүргән сенатор Мурат Бахтиярулы Шиели наһийәсидики иҗтимаий объектларни зиярәт қилип, йәрлик аһали билән учрашти. Парламент Сенатиниң депутати Нурлан Қылышбаев өзиниң иш бабидики сәпири даирисидә Уйғур наһийәсини зиярәт қилди. Бу йәрдә сенатор наһийәлик мәслиһәт депутатлири, һакимийәт хадимлири, һоқуқ қоғдаш органлири вә аммивий әхбарат васитилириниң вәкиллири, дехан егиликлириниң рәһбәрлири һәм йәрлик аһали билән учришишларни өткүзди. Сенатор Серик Жақсыбеков Астанада «Astana solar» ҖЧЙниң коллективи билән учришип, Президент тәрипидин тәвсийә қилинған конституциялик ислаһатларни муһакимә қилди. Сенатор иш сәпиридә шундақла «Астанаэнергосервис», Л.Гумилев намидики Евразиялик миллий университетниң коллективлири биләнму учришишларни өткүзди. Сенат депутатлири Ертарғын Астаев вә Муратбай Жолдасбаев иш бабидики сәпәр билән Җамбул вилайитидә болди. Улар Қордай наһийәсиниң Отар вә Қарасай йезилирида йәрлик аһалиниң соаллириға җавап бәрди. 6-февраль күни Шималий Қазақстан вилайитигә қилған иш бабидики сәпәр даирисидә сенатор Серик Билалов Җамбул наһийәсиниң аһалиси билән учрашти. Шуниңдин кейин депутат Благовещенск йезисидики Мәдәнийәт өйидә өткән учришишта елимиздә әмәлгә ашурулидиған ислаһатларниң маһийитини чүшәндүрди. Сәпәр давамида С.Билалов «Атамекен-агро», «Династия-агро», «Азия-Тарангул» ҖЧЙниң әмгәк коллективлирида болди. Җәнубий Қазақстан вилайитигә болған сәпири давамида Сенат депутати Қуаныш Айтаханов Сарыағаш наһийәсини зиярәт қилди. Сарыағашта сенатор мәслиһәт депутатлири, җәмийәтлик тәшкилатлар вә аммивий әхбарат васитилири вәкиллири, яшлар билән учрашти. Бу учришишларда депутат Президент Мәктүбидики бәш әвзәлликкә алаһидә тохталди. Һазир депутатларниң регионлардики сәпәрлири давамлашмақта.

256 рет

көрсетілді

0

пікір
Алдыңғы мақала Хәлиқ вәкили — хәлиқ арисида
Келесі мақала Қ.Тоқаев Конституциялик ислаһатлар тоғрилиқ өз тәклиплирини тәвсийә қилди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

18 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы