• Әхбаратлар еқими
  • 09 Ақпан, 2017

Дөләт рәһбириниң Һөкүмәтниң кәңәйтилгән мәҗлисиниң нәтиҗисигә вә кадрлиқ өзгиришләргә мунасивәтлик билдүрүши

Һөкүмәтниң кәңәйтилгән муһим жиғини өтти. Униңға һакимларму қатнашти. Һөкүмәт әзалириниң сөзидиму, мениң хуласә сөзүмдиму 2016-жилниң нәтиҗиси чиқирилип, барлиқ әһвал муһакимә қилинди. Жил бешидин бери әмәлгә ашурулуватқан ишлар һәммигә мәлум.Икки чоң мәсилә бар. Биринчиси – сәясий ислаһатлар: Конституциягә өзгәртишләр киргүзүш. Иккинчиси – «Қазақстанниң Үчинчи йеңилиниши» намлиқ Мәктүп. Мошуниңға мунасивәтлик тәкитләйдиғиним – кадр мәсилиси бойичә бираз өзгиришләрни киргүздуқ. «Бәйтерек» холдингида әмәлгә ашурулған тәкшүрүш нәтиҗиси бойичә Миллий ихтисат министри Бишимбаев хизмитидин бошитилди. Униң орниға Тимур Сүлейменов министр болуп тайинланди. У – билимлик, тәҗрибиси мол шәхс, Москвада ишләп кәлди. Илгири шу министрликтә орунбасар болған. Тәйярлиғи яхши дәп униңға ишәнчә билдүрүватимиз. Иккинчидин, икки министрликни бөлүп, Саламәтликни сақлаш министрлигини алайтән қурушумизниң сәвәви – бу саһада ғәмсизләндүрүш мәсилисигә мунасивәтлик нурғун иш бар. Хәлиққә шуни чүшәндүрүп, әмәлгә ашуруш керәк. Сәвәви, бу – хәлиққә вә саламәтлик сақлаш системисиға муһим мәсилә. Америкида оқуп келип, Назарбаев Университетта ишлигән Елжан Биртанов министр лавазимиға тайинланди. Уму министрликтә орунбасар болған. Ишләләйду дәп ишинимән. Үчинчидин, Қазақстанниң Россиядики әлчисини тайинлидим. У – Иманғали Тасмағамбетов. Биринчидин, Россия – биз үчүн хошна вә шерик, ихтисат вә сәясий турғидин наһайити йеқин дөләт. У йәргә абройи жуқури, тәҗрибилик, Қазақстан билән Россия арисидики әһвални билидиған шәхс һаҗәт болғандин кейин мошундақ қарарни қобул қилдим. Иккинчидин, И.Тасмағамбетовниң хаһишиму шундақ болди. Ойи вә хаһишини әскә елип, уни шу хизмәткә тайинлидим. Премьер-Министр орунбасарлириниң аз болғини тоғра, министрлар өз ишини әмәлгә ашуруши керәк. Һечкимгә ишәнмәй, жүкләнгән вәзипини һәл қилип, өзлири җавап  бериши шәрт. Мана мошу мәсилиләрни ейтай дегән едим.

650 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы