• Концерт
  • 16 Ақпан, 2017

«Яңра, нахшам» дил авазини яңратти

Сәнъәт әзәлдинла көп әҗирни тәләп қилидиған мурәккәп, лекин муқәддәс йол. Бу йолда адашқанму, талашқанму бар. Шундақла бу йолда хәлқигә болған чин муһәббити түпәйли утуққа йәткәнләрму вә таянчисиз ойман-чоңқурға ғулиғанларму йетәрлик. Әвлаттин әвлатқа мирас қалдуруп, изини жүтәрмәй, миллий сәнъитимизни риваҗландуруш йолида аянмай әмгәк қиливатқан инсанлар аримизда аз болсиму, лекин йоқ әмәс. Мана шундақ инсанларниң бири – «Аrtur productіon» продюсерлиқ мәркизиниң йетәкчиси Артур Илахунов. Бу қетим мәзкүр мәркәз тәрипидин уюштурулған новәттики «Яңра, нахшам» концертлиқ программисиниң өткүзүлүшигә бағлиқ, мәркәз паалийитигә тохтилип өтүшни мувапиқ көрдуқ. Мәзкүр мәркәз 2009-жили «Star studіo» нами билән қурулған болуп, униң асасий мәхсити — талантлиқ яш жигит-қизларниң сәнъәткә болған иштияқини күчәйтип, уларни чоң сәһнигә елип чиқиш, нахшичиларға нахша мәтинлирини йезишта бәлгүлүк имтиязларни яритиш вә уларниң сәнъәткар сүпитидә өсүп йетилишигә шараит яритиш еди. Мана шундақ қилип, бу продюсерлиқ мәркәзниң тунҗа лайиһәси «Яңра, нахшам» вуҗутқа кәлди. Дәсләп тамашибинларни жиғиш, яш сәнъәткарларни сәһнигә тәйярлаш вә шуниңға охшаш башқиму қийинчилиқлар орун алған болсиму, мәркәз өз иш-паалийитини тохтатқини йоқ. Әксичә, жилдин жилға камчилиқлири үстидә ишләп, риваҗлинип, сепи кәңәйгән һалда һаман алға илгирилиди. 2013-жили мәркәзниң нами бәлгүлүк сәвәпләргә мунасивәтлик «Артур productіon» болуп өзгәртилди һәм шу жили мәркәзниң дәсләпки мәһсулати – «Үмүтлүк дуния» фильми йоруқ көрди вә хәлиқимизниң алқишиға сазавәр болди. Жуқурида тәкитлигинимиздәк, йеқинда О.Жолдасбеков намидики Студентлар сарийида өткән «Яңра, нахшамниң»  бийилқи мәвсүми тамашибинларға алаһидә жуқури кәйпият һәдийә қилди десәк, ашуруп ейтқанлиқ болмас. Сәһниниң ечилишидила хәлқимизгә тонулған, талантлиқ сәнъәткар Фируза Җалалованиң иҗрасидики «Әссаламу әләйкүм» нахшиси тамашибин қәлбини бир тәвритивәтти. Нахшиларға җор болған чоң-кичик – «Ирадә», «Наргиз», «Долан», «Фиеста» қатарлиқ уссул ансамбльлириниң уссуллири вә «Йүксәл» ансамблиниң нағра-карнәй-сүрнәйлириниң  җараңлиқ авази вә сәһниниң көзниң йеғини йегидәк заманивий безилиши тамашибинни дәрһал өзигә җәлип қиливалди. Сәнъәткарларниң, болупму риясәтчиләрниң кийиниши чоң сәһнигә лайиқлаштурулғанлиғиниму алаһидә тәкитләш лазим. Риясәтчи демәкчи, концерт­ни йе­ңичә услубта елип маңған Әзиз Сәйптулла билән Бәхитҗан Савурҗановларниң мәзмунлуқ чақ­чақлири вә һәрбир номерни елан қилиш алдидики җәмийитимиздики сәлбий көрүнүшләрни қамча астиға елип, музыкилиқ номерларға маслаштуруп, тамашибинға чирайлиқ һәм ениқ йәткүзүши көпчиликни қайил қилди. Шундақла бу йәрдә концертни көпчиликниң көңлидин чиқидиған дәриҗигә йәткүзүп, униң сценарийини йезип, барлиқ режиссерлуқ ишлириниң һөддисидин чиққан Әзиз Сәйптулланиң вә шундақла «Аrtur PRODUCTІON» продюсерлиқ мәркизиниң новәттики мәһсулатиниң утуқлуқ өтүшигә күч чиқарған Бәхитҗан Савурҗанов, Алимҗан Бавдинов, Мурат Әйсаров вә Рәһман Мухпулов кәби жигитләрниң шиҗаәтлик әмгигини тилға алмай мүмкин әмәс. Алаһидә тәкитләш керәкки, концерт уюштурғучилири хәлиқләр достлуғини тәрғип қилиш мәхситидә қериндаш қазақ хәлқиниң тонулған сәнъәткарлири, эстрада юлтузлири Бақыт Аяпов билән Дильфузани бүгүнки мәрасимға тәклип қилди. Улар өз новитидә, өзлириниң «Мөлдірай» нахшисини қазақ тилида вә уйғур хәлиқ нахшиси «Атушни» таза уйғурчә иҗра қилғинида залда олтарған барчә тамашибин гүлдирас чаваклар билән қарши алди. Икки қериндаш милләтләр оттурисидики достлуқниң техиму мустәһкәмлинишигә өзлириниң һәссисини қошқан концерт меһманлириға саһипханлар тәрипидин чапан йепилди. Техи йеқиндила талантлиқ нахшичи, һели мәрһум Мурат Насиров намидики конкурста ғалип чиқип, көпчиликниң алқишиға сазавәр болған Турсун Абликим, Меһрат Рәхмәтҗан, Адил Һемитов вә Молутҗан Тохтахуновлар иҗрасидики «Бизниң нахшимиз» тамашибинларға унтулмас дәқиқиләрни беғишлиди. Концерт программисида адәт­тикидәк, миниатюриларғиму орун берилип, уларни иҗра қилғучи яш қизиқчилар Алимҗан Бавдинов, Бәхитҗан Савурҗанов, Рахман Мухпулов вә Мурат Әйсаров тамашибинларни күлкигә ғәриқ қилди. Гәрчә, миниатюрилар башқа милләтләрдин елинған болсиму, улар хәлқимиз менталитетиға маслаштуруп сәһниләштүрүлгән.  Мана мошу йәрдә шу талантлиқ жигитлиримиз үчүн өзимизниң ичидә миниатюра язидиған қәләм саһиблириниң азлиғи яки тамамән йоқлуғи бизни бәк ечиндурди. Хулләс, «Яңра, нахшам-4» концерти тамашибинларниң давамлиқ гүлдүрлигән чаваклири астида өтти. Бизму, өз новитидә, яш сәнъәткарларға йол-йоруқ көрситип, уларни қанити астиға алған мәзкүр мәркәзниң паалийитигә муваппәққийәтләр тиләймиз. Альбина ӘМӘТОВА. Алмута шәһири. Редакциядин: мәзкүр концертқа мақалә муәллипи, Алмута шәһиридики А.Розибақиев намидики 153-мәктәп-гимназияниң муәллими Альбина Әмәтоваму қатнишип, чоң сәһнидә дәсләпки нахшисини иҗра қилди. Биз униң ишлириға утуқ тиләп, егиз чоққилардин көрүнүшигә тиләкдашлиқ бил­дүримиз.       

409 рет

көрсетілді

0

пікір
Алдыңғы мақала Йеқимлиқ нахшилирини һәдийә қилди
Келесі мақала «Ярайсиләр, жигитләр!»

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы