- Йеңилиқлар
- 16 Ақпан, 2017
Йеңилиниш Мәктүби
Дөләт рәһбириниң бийилқи Мәктүбидә көплигән актуал мәсилиләр билән биллә, дин саһасида орун еливатқан муаммаларғиму алаһидә көңүл бөлүнгән. Бүгүнки күндә диний экстремизм мәсилиси — дуниявий миқиястики әң актуал проблемиларниң бири. Һазирқи аләмшумуллаштуруш җәриянидики толуп-ташқан әхбаратларниң, Интернетниң қолйетимлигини ят диний еқимлар билән тәшкилатлар өз идеялирини тарқитишқа вә сәплирини көпәйтишкә пайдиланмақта. Мәктүптә диний экстремизмниң алдини елиш вә Интернет билән иҗтимаий торларда уларниң паалийитигә чәк қоюш мәсилиси жуқурида қәйт қилинған әһвалларни ой әглигидин өткүзүштин туғулғанлиғи шүбһисиз.
Мәктүпниң алаһидә тилға алидиған йәнә бир тәрипи — у өсүп келиватқан әвлатни мәнивий-адәмгәрчилик роһида тәрбийиләшниң һәммидин муһим екәнлигиниң тәкитләнгинидә.
Биз җәмийәт болуп яшлиримизниң билимини ашурушқа, әвладимизни адәмгәрчилик роһида тәрбийиләшкә, миллий урпи-адәт, рәсим-йосунлиримизни қәлбигә сиңдүрүшкә вә уларни ели билән йеригә җанкөйәр шәхс сүпитидә тәрбийиләшкә алаһидә көңүл бөлүшимиз керәк. Шуниң билән бирқатарда, өсмүрләрниң ата-ана билән чоңларниң назаритисиз динни чүшпәрдә қилған чарә-тәдбирләр билән мәрасимларға қатнишишини қанун арқилиқ ениқлаш лазим дәп ойлаймән.
Умумән, елимизниң гүллинишигә вә тәрәққий әткән алдинқи қатарлиқ мәмликәтләрниң тәркивигә киришигә йүзләнгән Дөләт рәһбириниң һәржиллиқ Мәктүплири мәмликитимизниң сәясий, ихтисадий, иҗтимаий, мәдәний вә мәнивий җәһәттин риваҗлинишиға йөнилиш беридиған әһмийәтлик һөҗҗәтләрдин болуп һесалиниду.
Сабир һаҗим ХӘЙРУЛЛАЕВ, «Интимақ» мечитиниң наиб имами.
516 рет
көрсетілді0
пікір