• «Уйғур авазиниң» сәйилгаһи
  • 23 Ақпан, 2017

Интернет – нәқил

Бир адәм идаридә ишләватса, униңға башлиғи һечбир асасcизла аһанәт қилиду. У өзини рәһбириниң алдида бәк аҗиз сезиду. Өйигә келидудә, «Cән пулни кәлсә-кәлмәс чачидиған болуп кәттиң» дәп аялиға вақирашқа башлайду. Аяли өзиниң аҗизлиғиға өкүниду вә тәхсини чеқивәткән оғлини тиллашқа өтиду. Бала өзини бәк әпсиз, әқилсиз сезиниду вә териккинидин иштини қаттиқ уруветиду. Буниңдин рәнҗигән ишт кочиға жүгрәп чиқип, өтүп кетип барған бир аялни чишләвалиду. У тез арида ағриқханиға йәткүзүлиду. Бу йәрдә униңға дәрһал тиббий ярдәм көрситилиду. Ағриққа чидимиған аял өзигә хизмәт көрситиватқан дохтурни әпсанә сөзләр билән тиллаветиду. Кәйпияти чүшүп кәткән дохтур өйигә кәлсә, тамақ тәйяр әмәс екән. У мошуни банә қилип, анисиға хелила еғир гәпләрни қилип қойиду. Оғлиниң әһвалини чүшәнгән ана уни бағриға бесип: «Бүгүнки иш күнүң бәк еғир өткән охшайду. Наһайити һерип кетипсән. Мән саңа һазирла сөйүмлүк тамиғиңни етип беримән. Андин ухлап, дәм алисән. Һә, әтә өзәңни әҗайип яхши сезисән» дәп маңлийидин сөйүп қойиду. Шундақ қилип, дана һәм меһриван ана ғәзәпкә чәк қоюпту. Ядиңларда болсун, һечқачан ғәзәпни өрләтмәңлар һәм тарқатмаңлар. Әксичә, уни әқил-параситиңлар, меһир-шәпқитиңлар билән тохтитишни билиңлар!

303 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы