• Йеңилиниш 3.0 / Конституциялик ислаһатлар программиси
  • 23 Ақпан, 2017

Билимлик әлгә — салаһийәтлик мутәхәссис

Дөләт рәһбири «Қазақстанниң Үчинчи йеңилиниши: дуниявий риқабәткә қабиллиғи» мавзусидики бийилқи Мәктүбидә адимий капитални тәрәққий әткүзүшниң асасий механизмлириниң бири болуп һесаплинидиған билим саһасиға алаһидә тохталди. «Әң алди билән, билим бериш системисиниң роли өзгириши керәк, — деди Мәктүптә Н.Ә. Назарбаев. – Бизниң вәзипимиз – билим беришни ихтисадий өсүшниң йеңи моделиниң мәркизий күчигә айландуруш. Билим бериш программилирини тәнқидий ойлаш қабилийитини вә өз алдиға издиниш адитини тәрәққий әткүзүшкә қаритиш керәк. Шуниң билән биллә, IT билимни, малийәвий саватлиқни қелиплаштурушқа, милләтпәрвәрликни тәрәққий әткүзүшкә алаһидә көңүл бөлүш лазим». Бу интайин орунлуқ пикир. Яш дөлитимизни тәрәққий әткүзүшниң үчинчи басқучиға өтүватқан бүгүнки таңда ихтисадимиз дуния миқиясида алға илгирилиши керәк десәк, униң үчүн билим дәриҗиси дуниявий стандартларға мувапиқ болуши керәк. Шуңлашқа Мәктүптә қәйт қилинғинидәк, бүгүнки күндә барлиқ билим бериш программилири дуниявий стандартларға маслаштурулған һалда, толуғи билән йеңилиниши лазим. Шундақла мәктәп оқуғучилири билән студентларниң әхбаратлиқ технологияләрни (IT) йетүк өзләштүрүп, уни дәрис җәрияниға қоллинишиға қол йәткүзүшни, яшларниң малийәвий саватлиғини ашурушни вақитниң өзи тәләп қиливатиду. Униң үчүн умумбилим беридиған мәктәпләр билән алий оқуш орунлирида информатика пәнини оқутушниң сүпитини яхшилаш билән бирқатарда синиплар билән дәрис заллирини әхбаратлиқ технологияләр билән җабдуқлашни күчәйткән әвзәл. Чүнки улар һәрбир билим алғучиға қолйетимлик болуши тегиш. Дөләт рәһбириниң бийилқи Мәктүбидә йеза билән шәһәр айримчилиғини йоқитиш мәсилиси оттуриға қоюлуватса, бу айримчилиқни ушбу әхбаратлиқ техникини көпәйтиштин башлишимиз керәк. «...Бүгүнки таңда инглиз тили – йеңи  технология, йеңи индустрия, йеңи ихтисат тили, — деди өз Мәктүбидә Дөләт рәһбири. – Һазир 90 пайиз әхбарат инглиз тилида берилиду. Һәрбир икки жилда уларниң көләми икки һәссә өсүватиду. Инглиз тилини билмәй, Қазақстан умумиллий тәрәққиятқа йетәлмәйду. 2019-жилдин башлап 10-11-синипларда айрим пәнләрни инглиз тилида оқутимиз. Бу мәсилини һәртәрәплимә ойлап, әқил билән һәл қилиш һаҗәт». Буму диққәткә сазавәр пикир. Әгәр биз заманға мувапиқ билим елишни халайдекәнмиз, инглиз тилини билишимиз һаҗәт. Чүнки билимлик әлгә салаһийәтлик мутәхәссис керәк. Хәйрият, Президент биз, устазларниң һәм ата-аниларниң, алдиға чоң вәзипиләрни қойди. Устазлар шагиртлириға сүпәтлик билим берип, уларни изгүлүккә үгәтсә, ата-анилар мәктәп билән болған мунасивитини мустәһкәмләп, пәрзәндиниң тәрбийисини дурус назарәт қилса, келәчәк әвлатлиримизниң җәмийәттә өзиниң мунасип орнини тапидиғанлиғи талашсиз. Арзигүл ТУРДАХУНОВА, Ардолата оттура мәктивиниң уйғур тили вә әдәбияти пәнлириниң муәллими.  

268 рет

көрсетілді

0

пікір
Алдыңғы мақала Гүлзар вә униң дунияға тонулған мәркизи
Келесі мақала Бош ятқан йәрниң тәғдири кимниң қолида?

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы