- Йеңилиқлар
- 02 Наурыз, 2017
Устазларниң устазиға миннәтдарлиқ
Шахризада САБИТОВА, Уйғур наһийәси/ Өзигә жүкләнгән вәзипиниң һөддисидин шәрәплик чиқип, яш әвлатқа сүпәтлик билим бериш йолида аянмай тәр төкүп, издиништин һеч һармайдиған устазларниң бири – Ават йезисидики Һезим Искәндәров намидики оттура мәктәпниң мудири Муһәббәт Әйсаровадур.үгүнки күндә ушбу билим дәргаһи башқа мәктәпләрдин устазларниң вә оқуғучиларниң йәткән утуқлири билән алаһидә пәриқлиниду. Буниңда, әлвәттә, Муһәббәт Әйсарованиң әҗри алаһидә.
Көп билән чапсан тил тепишип, уларниң көңлидин чиқишни билидиған, устазларниң устази болған Муһәббәт һәдә бийил һөрмәтлик дәм елиш йешиғиму йәтти. Шу мунасивәт билән йеқинда Ават оттура мәктивиниң мәҗлисләр залида тәнтәнилик мәрасими болуп өтти.
Бу күни меһманлар дағдуғилиқ чаваклар билән Муһәббәт Абдурешит қизини төргә тәклип қилди. Дәсләп «Устазларниң устази» мавзусида өткән бу кәчтә Уйғур наһийәси һакиминиң орунбасари Дәулетжан Деменбаев сөзгә чиқип, униң шиҗаәтлик әмгигигә жуқури баһа бәрди һәм тәвәллуд егисигә чапан япти. Шундақла наһийәлик кәспий иттипақ тәшкилатиниң рәһбири Кәрибай Избасар оғлиму мудирни тәбрикләп, кәспий иттипақ тәрипидин тәсис қилинған медаль билән мукапатлиди.
Тәкитләш керәкки, Муһәббәт Әйсарованиң шагиртлири устазиға күтүлмигән соға тәғдим қилип, той егисиниң қәлбигә шатлиқ дәмлирини һәдийә қилди. Әнди тонулған нахшичи, «Яңра нахшам» продюсерлиқ мәркизиниң мудири Артур Илахуновниң иллиқ тәбриги билән нахшиси устазиғила әмәс, тамашибинларғиму алаһидә кәйпият беғишлиди.
Уйғур наһийәси.
569 рет
көрсетілді0
пікір