• Мәдәний мирас
  • 17 Наурыз, 2017

Мирасгаһ — тарихимиз әйниги

Һ.Искәндәров намидики Ават оттура мәктивиниң тарихий-өлкишунаслиқ мирасгаһи 1986-жили, йәни билим дәргаһимизға исми берилгән көрнәклик қәләм саһиби тәвәллудиниң 80 жиллиғи һарписида ечилған еди. Уни һаҗәтлик мәнбә һәм экспонатлар билән тәминләштә муәллимләр коллективи һәм ата-анилар көп күч чиқарди. Әйнә шуниңдин буян мирасгаһ йезимиз тарихиға аит көплигән әһмийәтлик мәлуматлар вә буюмлар билән толуқтурулуп кәлмәктә. 2005 — 2006-оқуш жилида мирасгаһ нами «Тарихий-өлкишунаслиқ кабинети» болуп өзгәртилди. У үч бөлүмдин ибарәт. Биринчисигә жутдаш шаиримиз Һезим Искәндәровқа тәәллуқ болған һәрхил һөҗҗәтләр қоюлған. Иккинчиси, йеза һәм мәктәп тарихидин дерәк беридиған мәнбәләргә беғишланған. Һә, үчинчисидин болса, қазақ һәм уйғур хәлқиниң турмуш-тирикчилиги вә қолһүнәрвәнчилиги буюмлири орун алған. Мирасгаһқа кейинки жилларда тарих пәниниң муәллими Румиләм Әкбәрова йетәкчилик қилип келиватиду. Тарихий-өлкишунаслиқ кабинетини зиярәт қилғучилар Аватниң тарихи, мәктивимизни һәрхил жилларда башқурған рәһбәрләр, уруш вә әмгәк ветеранлири, йезимиздин чиққан атақлиқ шәхсләр тоғрилиқ мәлумат елиш имканийитигә егә болиду. Буниңдин ташқири мирасгаһқа әҗдатлиримиз өз дәвридә пайдиланған түгмән теши, аптава-чилапча, чоғ дәзмал, тәңнә, һаганча қатарлиқ кона турмуш буюмлиримиз қоюлған. «Йүз аңлиғандин бир көргән әла» демәкчи, мошуниң һәммиси оқуғучилиримизниң өтмүш һәққидә чүшәнчә даирисини кәңәйтип, уларниң вәтәнпәрвәрлик, милләтпәрвәрлик роһта тәрбийилинишидә муһим роль ойнимақта. Шуни пәхирлиниш билән тәкитләймизки, мирасгаһимиз 2007-жили җумһурийәтлик байқашта мукапатлиқ орунларниң биригә сазавәр болса, 2014-жили мәзкүр байқашниң мәхсус дипломи билән тәғдирләнди. Биз, муәллимләр, жутдашлиримиз билән бирликтә мирасгаһимиз даирисиниң буниңдин кейинму кәңийип, мәзмун-маһийитиниң бейишиға күч селишимиз керәк. Саһинур НӘСӘЕВА, башланғуч синип муәллими. Уйғур наһийәси.

223 рет

көрсетілді

0

пікір
Алдыңғы мақала Уйғур хәлиқ дастанлири
Келесі мақала Кәлпинликләрниң чепит тонур нени

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы