• 27-март — Дуниявий театр күни
  • 30 Наурыз, 2017

Руслан ТОХТАХУНОВ:«Ишлигән адәмниң әмгиги мунасип баһалиниду»

Бәхтишат СОПИЕВ,«Уйғур авази» /— Руслан Абдушүкүр оғли, кәспий мәйримиңлар мубарәк болсун! — Рәхмәт. — Театрниң академиялик мәртивиси билән әнди силәрни ишәшлик тәбриклисәк боламду?— Әлвәттә. Һәммимизгә мәлумки, бу хуш хәвәрни театр коллективи билән сәнъәтсөйәр хәлқимиз хелидин бери күткән еди. Академиялик мәртивигә егә болуш бу түнүгүн көтирилгән мәсилә әмәс. Һәммә нәрсиниң вақти-саати бар демәкчи, өткән жили Дөләт рәһбири Қазақстан хәлқи Ассамблеясиниң новәттики сессиясидә Қазақстандики уйғур, корей, немис миллий театрлириға «академиялик» мәртивә бериш тоғрисида ейтқан еди. Өткән дүшәнбидә, йәни Дуниявий театрлар мәйримидә министрлик маңа униң һөҗҗитини рәсмий тапшурди. — Тамашибин сүпитидә буниңдин кейин академиялик театрни қандақ көз алдимизға кәлтүрсәк болиду? Соалиңизни чүшәндим. Мән театрда өстүм. Чүнки апам Маһигүл Тохтахунова театрда драма артисти болуп ишлиди. Көплигән атақлиқ сәнъәткарлар билән хошна турдуқ. Сәнъәттики дәсләпки паалийитимни мошу йәрдин башлидим. Шуңлашқа мән театрниң тарихини яхши билимән.  Паалийитини көккөйнәкликләрдин башлиған театр көплигән қийинчилиқларни баштин кәчүрди. Жираққа бармайла, түнүгүнки тохсининчи жилларни әскә алайли. Қутлуқ дәргаһимиз һәтта өрүлүп кетиш ховупи астида болған. Шуни сақлап қалған миллий мәдәнийитимизниң җанкөйәрлиригә рәхмәт. Җай-җайларда өткүзүлгән марафонларда пенсия пулини бәргән ата-бовилиримизға, ана-момилиримизға апирин. Ахири дөләт бюджетидин көп миқдарда мәбләғ аҗритилип, театримиз бүгүнкидәк һаләткә йәтти. Театрниң ечилиш тәнтәнисигә елимиз Президенти Нурсултан Назарбаевниң өзи келип қатнашти. Буму бир тарихий вақиә. Өткән жиллар ичидә барлиқ шараитлар яритилған сәнъәткарлиримиз миллий сәнъитимизниң тәрәққиятиға өзлириниң салмақлиқ һәссисини қошти. Бүгүнкидәк утуққа йетишимиздә уларниң һәрбириниң үлүши бар дәп ишәшлик ейталаймән. Соалиңиздин чәтнәп кәтмәй, буниңдин кейин биз сәнъәткарларниң иҗадий ишлиши үчүн шараит яритишимиз керәк. Мәсилән, бизниң сәһнә бүгүнки тәләпләргә җавап бәрмәйду. Бу мәсилиниң көтирилгинигиму хелә вақит болди. Келәчәктә чоң сәһнимизни заманға лайиқлаштуруш көздә тутулуватиду. Биздә һәрқандақ спектакльни тәрҗимә қилиш мәсилисиму туриду. У илгириму болған. Әнди уни қайтидин ишқа қошимиз. Ейтайлуқ, хаһиши бар һәрқандақ милләт вәкили театримизға бемалал кирип, уйғурниң һәрқандақ әсәрини көрүп, чүшиниш имканийитигә егә болуши керәк. Алдимизда бу хилдики башқиму ишлар көп. — Әнди «Сахнагер-2017» миллий театр мукапитиниң «Әң яхши менеджер» номинациясини утувелишиңизму бекар болмиса керәк... — Қилидиған ишлар техи алдимизда, бу мукапат немә үчүн берилди, демәкчисизғу. Мән мудир болуп ишқа кәлгән күндин башлап, сәнъәткарларниң сепигиму, тамашибинларниң сепигиму яшларни җәлип қилиш мәсилисини алдимға қойдум. Пешқәдәмләр бизгә устаз, мәслиһәтчи болуп қелиши керәк. Уларға гепим йоқ. Амма бүгүнки заман тәливи башқа. Худаға шүкри, театрда ишләш хаһиши бар яшлар көп екән. Уларни чамимизниң келишичә ишқа еливатимиз. Әнди тамашибинларниң яш тәркивичу? Бу қийин мәсилә. Һазир тәрәққий әткән җәмийәттә яшаватимиз. Һәрқандақ әхбаратни өйдә, йәни Интернет торлири арқилиқла елишқа болиду. Бирақ бу «тирик» мунасивәткә охшимайду. Буни яшларға чүшәндүрүп, уларниң арисида тәшвиқат ишлирини жүргүзүшимиз керәк. Бу йәрдә миллий театримиз муһим роль ойнайду, дәп ойлаймән. Театрда мошундақ мүмкинчилик барму? Бизниң қарап турғинимиз бир сәһнә. Униң әһвалиниму башта ейттим. Шуниңдин кейин маңа өз мәблиғим һесавиға кичик зал ясашқа тоғра кәлди. Уни аз вақитниң ичидә тамамлап, ишқа қоштуқ. Һазир у йәрдә һәр һәптидә дегидәк һәрхил мәрасимлар өтүватиду. Бу зал яшлар, кичик балилар үчүн наһайити қолайлиқ болди. Көпчиликтин келип чүшүватқан инкасларму яман әмәс. Бу қетимқи мукапат әйнә шу әмгигим үчүн берилсә керәк. Ейтмақчи, мошу конкурста театримиз актерлириниң бири Бәхитҗан Авдунов «Үмүт» номинацияси бойичә 150 миң тәңгилик мукапат утувалди. Миллий дәргаһимизда ундақ келәчигидин үмүт күткүзидиған яшлар көп. Уларниң һәрбириниң әмгиги мунасип баһалиниду. Бу йәрдә пәқәт ишләш керәк. — «Әң яхши менеджер» буниңдин кейин чәттин һамийларни җәлип қилмамду? — Һазир биридин пул сораш қийин. Өзлири келип, «ярдәм қилай» десә, «яқ» демәймиз. Кәспий мәйримимизни нишанлашқа «Ишбиләрмән аяллар клубиниң» рәиси Клара Шардинова һамийлиқ қилип, «Шарис» кафесида коллективимизға кәң дәстихан яйди. Пурсәттин пайдилинип, Шардиновлар аилисигә коллектив намидин миннәтдарлиғимни изһар қилмақчимән. — Сөһбитиңизгә рәхмәт, барлиқ гезитханлар намидин ишиңларға утуқ тиләймиз.

284 рет

көрсетілді

0

пікір
Алдыңғы мақала Сәһнидә —«Әмәнниң һиди»
Келесі мақала «Сахнагер-2017» мукапити тапшурулди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы