• Достлуқ риштилири
  • 20 Сәуір, 2017

Чәтәллик тиңшиғучилар йеңичә емтиһан тапшурди

Мустәқил дөлитимизниң әң чоң байлиғи — течлиқ вә достлуқ.  Әйнә шу қәдрийәтләрни давамлаштуруш үчүн билимлик әвлат һаҗәт. Милләтпәрвәр, ирадилик қазақларниң санини көпәйтиш мәхситидә, чәт әлләрдә яшаватқан қандашлиримизни елимизгә чақирип, дөләт тәрипидин қоллап-қувәтләп, билим бериватқанлиғимиз мустәқиллигимизниң мевиси. Мундақ ишларниң әмәлгә ешиватқиниға он жилдин ошуқ вақит болди. Мошу күнләрдә бизниң университетимизниң тәйярлиқ курсида оқуватқанларниң умумий муәммаси шуниңдин ибарәтки, улар һәрхил йезиқларда билим алғанлиқтин, қазақ тилида саватлиқ язалмайду, билим дәриҗисиму һәрхил. Болупму мошундақ әһваллар Хитайдин кәлгән қандашлиримизда көпләп учришиду. Улар көпирәк хитай тилида билим алған. Әнди Россия, Түркмәнстан, Қирғизстан, Өзбәкстан вә башқиму дөләтләрдин кәлгәнләрниң билим дәриҗисиниң, тәрбийисиниң, психологиясиниң һәрхил екәнлиги мәлум. Уларниң һәммисини бир аудиториядә олтарғузуп оқутуш, комплекслиқ тест тапшурғузуш наһайити мурәккәп мәсилә. Униңдин ташқири, саватлиқ сөзләш, миллий қәдрийәтләрни үгитиш җәриянлири қатар жүргүзүлиду. Шуңлашқа биз билим дәриҗиси һәрхил яшларни оқутуш үчүн әмәлий тәҗрибидин өткән әң нәтиҗидарлиқ услубларни пайдилинимиз. Йеқинда Әл-Фараби намидики ҚазМУниң алий оқушқичә билим беридиған факультетиниң тәйярлиқ курсиниң тиңшиғучилири комплекслиқ тестниң йеңи шәкли бойичә емтиһан тапшурди. Мәлумки, бийил йеңи система бойичә бәш пәндин тест тапшурулиду. Йәни тәләпкар бәш пән бойичә 120 соалға җавап бериши керәк. Униң үчи мәҗбурий, иккиси йөнилиши бойичә таллавалған мутәхәссислигигә мунасивәтлик болиду. Әлвәттә, чәт әлдин кәлгән қандашлирмиз үчүн бу қийин синақ. Бирақ тиңшиғучилиримизниң билимгә болған иштияқи дуч кәлгән барлиқ қийинчилиқларни йеңип чиқиду дәп үмүт қилимиз. Гүлнара КӘКИШЕВА, Меруерт ИБРАГИМОВА, Әл-Фараби намидики ҚазМУниң чоң оқутқучилири.

175 рет

көрсетілді

0

пікір
Алдыңғы мақала Қазақстан чәтәлликләрниң көзи билән
Келесі мақала Бизниң «Илия Бәхтия»

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы