• «Уйғур авазиниң» сәйилгаһи
• 28 Сәуір, 2017

Көңүллүк  вә җанлиқ өтти

Йеқинда Қирғиз­стан­ниң пайтәхти Биш­кек шәһиридики «Вер­саль» кафесида «Яшлар авази» уйғур яшлири бирләшмисиниң уюшту­руши билән «Яшлиқ иттипақи» сәнъәт кечи болуп өтти. Униңға Қазақстандин «doppalife.com» торбетиниң, «До­лан», «Йүксәл», «Дил­наз», «Ататүрк» ансам­бль­лириниң һәм «Артур Продакшн» продюсерлиқ мәркизиниң әзалири қатнашти. Мәзкүр паалийәт давамида чақчақчилар мусабиқилири, қиз-жигит тартишма уссуллири вә башқа талантлиқ яшларниң һү­нәрлири намайиш қилинди. Икки дөләттә яшайдиған уйғур яшлирини тонуштуруш, өзара мәдәний алақини мустәһкәмләш вә миллий сәнъитимизни ри­ваҗландуруш мәхситидә уюштурулған мәзкүр чарә-тәдбир наһайити көңүллүк вә җанлиқ өтти. Ахирида қазақстанлиқ меһман­лар намидин сөзгә чиққан «Артур Продакшн» продюсерлиқ мәркизиниң муавин рәиси Әзиз Сәйптулла уйғур хәлқигә яритилған кәң имканийәтләр үчүн Қазақстан һәм Қирғизстан һөкүмитигә чәксиз миннәтдарлиғини билдүрди. www.rfa.org