• «Уйғур авазиниң» сәйилгаһи
• 04 Мамыр, 2017

Уйғур кийим-кечәк мәдәнийитигә йәнә бир марка қошулди

Интернет – учур/ 20-апрель күни Һәрәмбағ шәнбилик клубида уйғур кийим-кечәк мәдәнийитигә йеңи Gilinna маркисиниң қошулғанлиғини тәбрикләп вә униң йеңи заманивий фасондики кийимлиридин һөзүрлиниш паалийити өткүзүлди.Карханичи Ханқиз ханим әнъәнивий уйғурларниң кийим-кечәк өлчимидики һаялиқ, көркәм, чирайлиқ, болуш идеясидә чиң туруп, буниңға Европа гөзәллик қаришини сиңдүргән һалда мәйданға чиқириш мәхситидә узақтин бери һәмкарлишип келиватқан Әкбәрҗан Әркин билән Гуаңжу шәһиридә Gilinna маркисидики мәхсус заводни қурди. Бу йәрдин ишләп чиқирилған кийимләр хәлиқара өлчәмгә лайиқ болуп, уйғур модель қизлириниң учисидин көрүнди. Бу күнләрдә заводниң херидарлири күн санап көпәймәктә. www.nur.cn Интернет — шеир Бәзиләр бар... Бәзиләр бар... көктә учуп жүридиған, Өзин билмәй, өзгиләргә күлидиған. Беши көктә, пути йәрдә турған билән, Башқиларни дәрмансиздәк көридиған. Бәзиләр бар... атақ десә өлидиған, Абройини мәнмәнликкә көмидиған. Төрдә жүрүп бу дунияда өткән билән, Гөргә чүшүп, дозақ отта көйидиған. Бәзиләр бар... дайим қапақ түридиған, Қаталлиқни қудрити дәп билидиған. Түри қопал, таш жүрәктәк болған билән, Қәлби юмшақ, пәқәт ичтин сөйидиған. Бәзиләр бар... қиммитини таллайдиған, Адәмләрни кийимидин илғайдиған. Сирти есил гөһәр таштәк янған билән, Жүригидә хислити йоқ махтайдиған. Бәзиләр бар...  сөзидә тағ тикләйдиған, Лекин, әпсус, иш қилишни билмәйдиған. Тәйяр нанни уштуп берип өзгиләргә, “Маңа баш әг, җапа тартқан мән” дәйдиған. Бәзиләр бар... әмгәк билән көкләйдиған. Һарамлиқни, тиқип йәшни  билмәйдиған. Дағ  су билән  қаттиқ нанға шүкри ейтип, Йолдин чиқип, һарамлиққа чүшмәйдиған. Бәзиләр бар... көрүп туруп көрмәйдиған, Достни пәқәт һаллиқлардин издәйдиған. Ялақчи  һәм байвәччиниң қули болуп, Һә, шуниму мәнсәп санап күнләйдиған. Бәзиләр бар... сирт һөснини гүлләйдиған, «Чирайимға мәстанә боп, өл» дәйдиған. Бешида таш, көксидики жүриги бош Болған билән өзин айға тәңләйдиған. Бәзиләр бар... ана тилин билмәйдиған, Йүзи  иллиқ, амма қәлби күлмәйдиған. Дөңгә чиқип, тағ қопарған палван кәби «Маңа қарап өз орнуңни бил» дәйдиған. Сабирәм ӘНВӘРОВА.      Уйғур наһийәси.