• Көргәзмә
  • 12 Мамыр, 2017

«Йеңидин туғулған әнъәниләр»

Мәшүр САСИҚОВ, «Уйғур авази»/ Өткән йәкшәнбә күни Қ.Ғоҗамияров намидики дөләт академиялиқ Уйғур театридики «Dunіa-art» галереясидә кейинки вақитларда иҗадийити билән көпчиликкә тонулуватқан яш рәссам Венера Ваҗитованиң талланма әсәрлириниң көргәзмиси болуп өтти. «Venuvos» тәхәллуси билән тонулған рәссамниң әмгәклирини кәң аммиға тонуштурушни җумһурийәтлик Уйғур этномәдәнийәт мәркизиниң Астана шәһәрлик шөбиси өз зиммисигә апту. Ениғирақ ейтсақ, униңға рәһбәрлик қиливатқан «LA VІE EN» зәргар буюмлири дукининиң ғоҗайини Рустәм Абдусаламов һамийлиқ қипту. Көргәзмә ечилиштин илгири, «Dunіa-art» заманивий сәнъәт галереясиниң мудири Һакимҗан Гүлиев Венера Ваҗитованиң тәрҗимиһали вә иҗадийитигә қисқичә тохтилип, сөз новитини меһманларға бәрди. Натиқлардин баш һамий Рустәм Абдусаламов, Қазақстанниң хизмәт көрсәткән әрбаби, рәссам Һашим Қурбан, ихтисат пәнлириниң доктори, профессор Һакимҗан Арупов көргәзмә егисигә иллиқ тиләклирини ейтти. Көргәзмә иштиракчилири яш рәссамниң адәмләрдә қандақту бир алаһидә һиссият пәйда қилидиған әсәрлири  билән әтраплиқ тонушти. Асасән авангард йөнилишидә рәсим сизидиған Венера билән болған қисқа сөһбитимиздә шу нәрсә ениқ болдики, у әсли Уйғур наһийәсиниң Чонҗа йезисидин екән. Абай намидики педагогика университетини тамамлапту. Иҗадийитини техиму риваҗландуруш мәхситидә бираз жиллар Түркиядә ишләпту. Һазир Алмутиға қайтип келип, яш өсмүрләр үчүн  тәсвирий сәнъәт студиясини ечипту. Көргәзмигә иштирак қилған кәспий рәссамлар униң әмгәклиригә жуқури баһасини бәрди. Көргәзминиң ечилиш тәнтәнисидә Венера Ваҗитова барлиқ меһманларға вә уни йеқиндин қоллап-қувәтлигән сахавәтлик инсанларға тәшәккүр изһар қилди.

299 рет

көрсетілді

0

пікір
Алдыңғы мақала Пәқәт ханим-қизлар әсәрлири қоюлди
Келесі мақала «Алтун алма»

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *