• Қәлб нидаси
  • 12 Мамыр, 2017

Ата орнидики акам еди

Буниңдин он күн илгири мән акам Азат Турсуновтин айрилип қалдим. Униң һәммә алий хисләтлирини тизип язсам, ақ қәғәз йетишмәй қелиши чоқум. Шуңлашқа акамниң аилимиздики вә жутдарчилиқ ишлиридики үлгә боларлиқ тәрәплирини ейтип өтүшни тоғра көрдүм.Акам Азат Турсунов тарихий вәтинимизниң Сүйдүң шәһиридә 1947-жили дунияға кәлгән. Көпбалилиқ аилә 1958-жили, сәясий түзүмниң начарлишиға бағлиқ, Қазақстан дияриға көчүп чиқтуқ. Дәсләп Уйғур наһийәсиниң Ақтам йезисиға орунлаштуқ вә акам мошу йезидики мәктәпниң 2-синипиға барди. У оттура мәктәпни тамамланған 1966-жили биз Талғир наһийәсиниң Калинин (һазирқи Туздыбастав) йезисиға көчүп кәтдуқ. Акам бираз заман йеза егилигидә ишлиди. Андин у вәтән алдидики борчини өтәп кәлди. Шундиму акамни йәнә һәрбий сәпкә чақиртип, уни Чернобыль атом электр станциясигә елип кәтти. Тиришчанлиқ билән атқурған хизмити жуқури баһалинип, орден-медальлар билән аман-есән өйгә қайтқанлиғини көрүп хошаллиғимизда чәк болмиди. У яқтин келип йәнә йеза егилигидә әмгәк қилди. Лекин көп өтмәй, «Чернобыль» дәп атилидиған дәһшәтлик җайдин тапқан «ағриқлар өзини тонутушқа» башлиди. Қисқиси, уни «атом бомбиси йерилған йәрдә хизмәттә болди», дәп қанчә һөрмәтләп, мукапатлар тапшурмисун, акамниң саламәтлиги күндин күнгә начарлашти вә, ахири, бақилиқ болди. Акам Азат Турсунов билән бизниң аилә һәқлиқ түрдә пәхирлиниду. Чүнки у бизниң йеқин мәслиһәтчимизла әмәс, йол көрсәткүчи адимимиз еди. Буниңдин ташқири, әл-жут арисидиму аброй-инавити үстүн болидиған. Униң силиқ-сипайилиғи һәм меһриванлиғи бизгә дайим үлгә-ибрәт болуп қалиду. Бәхтинур ТУРСУНОВА.    Талғир наһийәси.

388 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы