- Концерт
- 01 Маусым, 2017
«Яркәнт юлтузлири»
Йеқинда Яркәнт шәһириниң Мәдәнийәт өйидә «Яркәнт юлтузлири» намлиқ мәйрәмлик концерт болуп өтти. Һәвәскар вә кәспий сәнъәткарлиримизниң бешини қошқан мәзкүр концертта риясәтчиләр Коммунар Турсунов билән Ялқун Нурахуновниң күлкә-чақчақлири тамашибинларға хуш кәйпият беғишлиған болса, «Тил тәгмисун» КВН командисиниң һәзиллири концертни техиму җанландурди. Тамашибинлар Шадияр Давутов, Расул Иминов, Камилҗан Абабәкриев вә башқиму яш талантларниң нахшилирини гүлдүрлигән чаваклар билән қарши алди. Мәзкүр концертқа меһман сүпитидә тәклип қилинған Алим Зулпиқаров, Қудрәт Өмәров, «Сәрдар», «Арай» топлири вә «Ирадә» уссул ансамбли өз нахша-уссуллирини һәдийә қилип, көпчиликкә арамбәхш дәмләрни беғишлиди.
Концерт ахирида тәбрик сөзгә чиққан Панфилов наһийәлик Уйғур этномәдәнийәт мәркизи рәисиниң орунбасари Абдусалам Әлиев мәзкүр концертни уюштурушқа көп күч чиқарған «Инайәт» ассоциациясиниң рәиси Сүлфи Мәшрәповқа миннәтдарлиғини билдүрди.
Молутҗан ТОХТАХУНОВ.
Панфилов наһийәси.
577 рет
көрсетілді0
пікір