- Мәйрәм мубарәк!
- 15 Маусым, 2017
Тәбрикләймиз
Йеқинда Россия Федерациясиниң пайтәхти Москва шәһиридә Хәлиқара инженерлиқ академиясиниң (МИА) новәттики сессияси болуп өтти. МИА – өз тәркивигә дунияниң қириқ дөлитини бирләштүргән абройлуқ хәлиқара тәшкилат болуп һесаплиниду вә униңға МДҺ әллиридә инженерлиқ һәмкарлиқни, илмий-технологиялик интеграцияни тәрәққий әткүзүштә муһим роль тәәллуқ. Қазақстан Җумһурийити Миллий инженерлиқ академияси жигирмә жилдин буян МИАниң турақлиқ әзасидур.
Сессиядә Хәлиқара инженерлиқ академияниң йеңи әзалири сайланди. Уларниң арисида бәш қазақстанлиқ бар. Җүмлидин «САУТС-ОЙЛ» нефть компаниясиниң президенти Серикжан Сейитжанов вә «Oriental Co.Ltd» инженерлиқ ширкитиниң баш мудири Александр Даниленко һәқиқий әза болуп; «Академия гражданской авиации» акционерлиқ җәмийитиниң ректори Мухтар Байжуманов, «Западно-Казахстанская РЭК» акционерлиқ җәмийитиниң президенти Яхия Чудров вә «АЗМК-Group» акционерлиқ җәмийити мудирлар кеңишиниң рәиси Әхмәтҗан Шардинов мухбир-әзаси болуп сайланди.
Пурсәттин пайдилинип, “Уйғур авази” гезитиниң коллективи миңлиған оқурмәнлири намидин миллий мәдәнийитимизниң җанкөйәри, көрнәклик ишләпчиқириш рәһбири Әхмәтҗан Бәкрим оғли Шардиновни Хәлиқара инженерлиқ академиясиниң мухбир-әзаси болуп қайта сайлиниши мунасивити билән қизғин вә сәмимий тәбрикләп, мустәһкәм саламәтлик вә утуқ тиләймиз.
481 рет
көрсетілді0
пікір