• Тәнтәнә
  • 30 Маусым, 2017

Дөләт ишәнчисини ақлиғанларға һөрмәт көрситилди

Мәлумки, Қазақстан Җумһу­ри­йитиниң мустәқил дөләт болуп қелиплишишида дөләт хадимлириниң роли бабаһа. 23-июнь – Дөләт хадими күни мунасивити билән Әмгәкчиқазақ наһийәлик һакимийәтниң Мәҗлисләр залида өткән баш қошушқа наһийәниң 200гә йеқин дөләт хадими қатнашти. Рашидәм РӘҺМАНОВА, «Уйғур авази»/ – Қазақстандики хәлиққә хизмәт қилиш системиси узақ  шәкиллиниш йолини бесип өтүп, бүгүн дөләт башқурушини уюштуруш ишидики йетәкчи механизмға айланди.  Дөләт хизмити миннәтсиз болуши лазим. Сәвәви, һөкүмәт билән аддий хәлиқ арисидики алтун көрүк – дөләт хадимлири.  Силәр җай-җайларда  Дөләт рәһбириниң сәяситини  жүргүзгүчиләр болуп һесаплинисиләр. Шуңлашқиму бу ишта жуқури тәләп, чоңқур ой, җавапкәрлик, чидамлиқ  керәк, – деди наһийә һакими Бинәли Ысқақ кәсипдашлирини тәбрикләп. Андин җәмийәт вә дөләт ишәнчисини ақлиған, «100 ениқ қәдәм» Милләт планиниң «Кәспий дөләтлик аппарат қуруш» қисми бойичә дөләт хадимлири арисидики комплекслиқ аттестациядин сүрүнмәй өтүп, өзлириниң билимлик кадрлар екәнлигини испатлиған дөләт хадимлири мукапатланди. Җүмлидин өз ишини  мунасип дәриҗисидә әмәлгә атқуруватқан  хадимлар арисида  миллитимиз вәкиллиридин Масақ йеза округи һакими аппаратиниң баш хадими Рашидәм Һетәмова, Бартоғай йеза округи һакими аппаратиниң баш хадими, бухгалтер Һурийәтбуви Һосманова, йәр мунасивәтлири бөлүминиң баш хадими Әзимҗан Хелилов, Палтивай йеза округи һакими аппаратиниң баш хадими Раһатбүви Камалова вә Ташкәнсаз йеза округи һакими аппаратиниң баш хадими, бухгалтер Гүлнарә Садировалар бар. Әмгәкчиқазақ наһийәси.

213 рет

көрсетілді

0

пікір
Алдыңғы мақала Саһа илғарлири мукапатланди
Келесі мақала Транспорт хадимлири кәспий мәйримини нишанлиди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *