• Әхбаратлар еқими
• 11 Шілде, 2017

АҚШ Президентиниң тәбриги

Америка Қошма Штатлириниң Президенти Дональд Трамп Нурсултан Назарбаевқа тәбрик телеграммисини әвәтти. Дональд Трамп өз тәбригидә Америка хәлқиниң намидин Нурсултан Назарбаевни вә Қазақстан хәлқини дәсләпки қетим Мәркизий Азиядә өтүватқан «ЭКСПО-2017» Хәлиқара ихтисаслаштурулған көргәзминиң өткүзүлүши билән тәбриклиди. Америка Қошма Штатлириниң Президенти мошу миқияслиқ чарә-тәдбир түпәйли Қазақстандин һәм пүткүл дуниядин миллиондин ошуқ зиярәт қилғучилар инсан идеяси вә шериклик арқилиқ вуҗутқа кәлгән технологиялик инновацияләрниң әҗайип илкидә болидиғанлиғини, уларниң 115тин ошуқ миллий павильонда әкис әткәнлигини тәкитләйду. «Америка Қошма Штатлири Астанада «ЭКСПО-2017» көргәзмисигә қатнишишни һәм Америкиниң энергетика, илим-пән вә технологияләр саһасидики әң яхши кәшпиятлирини, шундақла мәдәний хилму-хиллиғимизни көрситишни шәрәп дәп һесаплайду», дейилиду телеграммида. Шундақла Дональд Трамп АҚШ павильониниң икки мәмликәт өткән чарәк әсирдә мустәһкәмлигән стратегиялик шерикликниң муһим рәмзи болуп һесаплинидиғанлиғини вә Қошма Штатларниң буниңдин кейинки жилларда регионда течлиқ, турақлиқ һәм гүллинишни илгирилитишкә садиқ екәнлигини намайиш қиливатқанлиғини тәкитлиди. «Мән Қазақстанға вә Сизгә, Президент җанаплири, Сизниң ЭКСПО-2017 арқилиқ энергетика бехәтәрлиги мәсилилири бойичә аләмшумул диалогни илгирилитиштики Сизниң көзқаришиңиз вә лидерлиғиңизға алқиш билдүримән. АҚШ вә Қазақстан оттурисида өзара һөрмәткә һәм умумий мәнпийәтләргә асасланған стратегиялик шерикликниң техиму мустәһкәмлинидиғанлиғиға үмүт қилимән», дейилиду телеграммида.