• «Уйғур авазиниң» сәйилгаһи
  • 28 Шілде, 2017

Қирғизстандики уйғурлар Алтай көчмән қәбилилири паалийитигә қатнашти

Мошу жилниң 20 – 22-июль күнлири Қирғизстанниң Иссиқкөл вилайитидики Чолпан-Ата шәһиридә хәлиқара Алтай көчмән қәбилириниң паалийити өткүзүлди. Униңға Қазақстан, Россия, Түркия, АҚШ, Чехия қатарлиқ дөләтләрдин вәкилләр қатнашти. Паалийәтниң мәхсити — Алтай цивилизацияси һәм Алтай тили аилисидики қериндаш хәлиқләрниң бирлишип йеңи тәтқиқатларни елип беришини вә көчмән мәдәнийәт байлиғини сақлап қелиштин ибарәт. Көчмәнләр мәркизигә қазақ, қирғиз, татар, башқурт, өзбәк, яқут, моңғул вә уйғур «жутлири» орунлашти. Уйғур «жути» нәқ уйғур өйидәк ясилип, униңға хәлқимизниң урпи-адәтлириниң, сәнъәт-мәдәнийитиниң нәмунилири вә миллий таамлиримизниң көплигән түрлири қоюлди. Мәйрәм давамида Қазақстандин кәлгән «Долан» уссул ансамбли меһманларға өз һүнирини көрсәтти. Уйғур «жутини» зиярәт қилған россиялик түркшунас алим Александр Васильев: «Алтай аилисидики милләтләрниң тарихида вә уларниң тәрәққиятида уйғурлар чоң роль ойниған. Чүнки улар Алтай уруқлириниң ичидики әң қедимий һәм пешқәдәм хәлиқләрниң бири. Мәркизий Азиядә уйғурлар һөкүмәт системисини қурған йүксәк мәдәнийәт һәм сәнъәт саһиблиридин болған...» дегән пикирни алған сүрди. www.rfa.org

360 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы