• Ақ йол тиләймиз
• 28 Шілде, 2017

Он яшлиқ математикниң утуғи

Барикалла/ Йолдаш МОЛОТОВ, «Уйғур авази»/ 16-июль күни Малайзияниң Куала-Лумпур шәһиридә ALOHA Mental Arіthmetіc ментальлиқ арифметикидин дуния чемпионати өтти. Униңға Россия, Индонезия, Хитай, Һиндстан вә башқиму дөләтләрдин 600 бала қатнашти. Россия командиси тәркивидә уйғур балиси Тимур Һетахунов иштрак қилди. Мәзкүр конкурс қаидиси бойичә катнашқучи бала бәш минут ичидә 70 мәсилини чиқириши керәк. Бу йәрдә көпәйтиш, бөлүш, пайиз һесаплаш әмәллири қоллинилиду. Конкурс нәтиҗилири бойичә россиялик йәттә яш математик һәммиси мукапатлиқ орунларға еришти. Әнди Тимур Һетахунов болса, гранд чемпион атиғини алди. Бу атақ барлиқ мәсилиләрни хатасиз,  бөлүнгән вақиттин илгири, йәни бәш минутқа йәтмәй чиқарғанларға берилиду. Тимур әйнә шундақ тез вақит ичидә мәсилиләрни чиқарған.  Униңға мәхсус диплом вә медаль тапшурулди. — Тимур, оғлум Рустәмниң балиси, — дәйду  хошаллиғи билән бөлүшкән бовиси Нурахун Һетахунов.— Улар һазир Москвада яшаватиду. Келиним Жанна ментальлиқ арифметика оқутидиған мәркәзләрниң рәһбири. Нәврәм Тимур кичигидинла математикиға қизиқатти. Һазир он яшта. Келәчәктә буниңдинму чоң утуқларға йетиду, дәп үмүт қиливатимиз.