• Дидар ғенимәт
• 17 Тамыз, 2017

Синипдашлар баш қошти

Шәмшидин АЮПОВ, «Уйғур авази»/ Йеқинда буниңдин әллик жил илгири Уйғур наһийәсиниң Түгмән йезисидики уйғур оттура мәктивини тамамлиған сабиқ синипдашлар ана жутида учрашти. Әлвәттә, йерим әсир инсан һаяти үчүн чоң мусапә. Бу вақит ичидә талай өзгиришләр йүз бәрди. Учришишқа  кәлгән синипдашлар арисидин хәлиқ арисида өзиниң адил әмгиги, инсаний пәзиләтлири билән абройға еришкән шәхсләр йетилип чиқипту. Улар у күни саламәтлигигә бола баш қошушқа келәлмигән   муәллимлири Шерхан Турдәковани, Армия Һошуровни, Коммунар Авутовни, Летип Җәлиловни, Саһидәм Һашировани вә Раһиләм Һезбақиевани мәғрурлиниш билән тилға алди. Сабиқ синипдашлар  шундақла у күни қарам әҗәл арисидин елип кәткән синипдашлири   Қурванҗан Җелиловни, Тохтәм Бектимисовни, Бәхтахун Һәмраевни вә дуниядин өткән устазлири Аблеким Әкбәровни, Низамдун Зияровни, Гүлстан  Шаваевани ечиниш билән әскә елип, хатириләп өтти. Учришиш иштракчилири кәң дәстихан әтрапида беғубар балилиқ дәвриниң қизиқ сәргүзәштиләргә толуп-ташқан вақиәлирини әсләп, узақ муңдашти. Мошундақ дидар ғенимәт дәмлириниң асасий тәшәббускарлири болған Турсун Вәлиевқа, Григорий Мухпул оғли Заридзеға чәксиз миннәтдарлиғини билдүрүп, «Йенип көрүшкичә аман болайли» дегән нийәттә хошлашти.