• 1-сентябрь — Билим күни
  • 31 Тамыз, 2017

 «Қазақстанниң йеңилиниши 3.0 – билимниң үлүши»

Әссалам, ана мәктәп!/ Рашидәм РӘҺМАНОВА, «Уйғур авази»/ Жилдики әнъәнә бойичә, бийилму Әмгәкчиқазақ наһийәсиниң муәллимлири август кеңәшмисидә баш қошуп, өткән вә кәлгүси оқуш жилиниң муәммалирини муһакимә қилди. Наһийә һакиминиң орунбасари Айбек Бидаевниң риясәтчилигидә өткән мәзкүр чарә-тәдбирдә наһийәлик маарип бөлүминиң башлиғи Бәтес Аманова «Қазақстанниң йеңилиниши 3.0 – билимниң үлүши» мавзусида доклад оқуди. Бәтес Марат қизиниң тәкитлишичә, Әмгәкчиқазақ наһийәсидики мәктәпләр оқуғучилирини дәрисликләр билән толуқ вә өз вақтида тәминләш мәхситидә йәрлик бюджеттин 417 миллион тәңгә мәбләғ бөлүнгән. Шундақла мәктәпниң ичидә орнитилған пәчләрни сиртқа чиқириш үчүн 148 миллион тәңгә аҗритилған. Наһийәдики барлиқ 136 билим бериш мәһкимиси йәрлик бюджет һесавиға еқимдики җөндәштин өтти. Йеңи оқуш жилида наһийә бойичә 86 умумий билим беридиған, 5 оқуш-ишләпчиқириш комбинати, 3 қошумчә билим бериш, 51 балилар бағчиси, 34 ихчам мәркәз, барлиғи болуп 179 билим мәһкимиси паалийәт елип бариду.  2016-жили оқуғучилар сани 46232 болса, бийил 47600 оқуғучи мәктәп ишигини ачиду. Вилайәтлик пәнләр олимпиадасиға наһийә мәктәплириниң 68 оқуғучиси қатнишип, униң бесим көпчилиги ғалип аталди. Улар җумһурийәтлик, андин хәлиқара пәнләр олимпиадилирида күчини синап, 12 оқуғучи алтун вә күмүч медальлар билән мукапатланди. Хәлиқара илмий лайиһигә қатнашқан 3 оқуғучи мукапатлиқ орунлардин көрүнди. Билим мәзмунини йеңилаш программиси бойичә 1792 педагог вә 43 мәктәп мудири мәхсус курслардин, 70 муәллим робототехника асаслири бойичә курстин өтти. Һәр жили наһийәниң билим бериш мәһкимилиригә яш хадимлар көпләп келиватиду, шундиму математика, физика, рус тили, химия пәнлири бойичә 45 муәллим һаҗәт. Бийил оттура мәктәпни 1646 оқуғучи тамамлиса, уларниң арисидин 74 оқуғучи «Алтун бәлгү», 51 оқуғучи «Алаһидә үлгидики шаһадәтнамә» алди. Билим сүпити 64 пайизни көрситип, өткән жил билән селиштурғанда 22 пайизға өсти. Кеңәшмидә сөзгә чиққан Түргүн йеза округиниң һакими Бота Елеусизова, Көктөбә оттура мәктивиниң мудири Айжан Талқанбаева вә башқилар «Туған жер» программиси, үчтиллиқ билим бериш вә башқиму муһим мәсилиләр әтрапида өз пикирлири билән бөлүшти. Кеңәшмини йәкүнлигән наһийә һакими Бинәли Исқақ 2016 — 2017-оқуш жилиниң йәкүнигә тохтилип, устазларға утуқ тилиди. Ахирида наһийәниң маарип саһасида үнүмлүк әмгәк қиливатқан Нурзия Ғабдаршева Қазақстан Җумһурийитиниң Билим вә пән министрлигиниң Тәшәккүрнамиси, бир түркүм устазлар наһийә һакиминиң вә наһийәлик маарип бөлүминиң Пәхрий ярлиқлири вә Тәшәккүрнамилири билән тәғдирләнди. Әмгәкчиқазақ наһийәси. СҮРӘТТӘ: 1. Кеңәшмигә қатнашқан бир топ уйғур устазлири Әмгәкчиқазақ наһийәлик Уйғур этномәдәнийәт мәркизи рәисиниң орунбасари Нурбүви Насирова билән.

245 рет

көрсетілді

0

пікір
Алдыңғы мақала Вилайәттә – үчинчи
Келесі мақала Йеңиланған программа пайдилиқму яки...

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

18 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы