- Әхбаратлар еқими
- 14 Қыркүйек, 2017
Қизил мәйданда күй вә терме яңриди
Москвадики Қизил мәйданда «Абылай-хан» һәрбий марши, терме вә күй яңриди. Россия пайтәхтидә болуп өткән Х хәлиқара «Спасск мунариси» һәрбий-музыкилиқ фестивалида мәмликитимизгә Қазақстан Җумһурийити Дөләт күзити хизмити Пәхрий қаравул ротисиниң вә Президент оркестриниң һәрбий хизмәтчилири вакаләтлик қилди. Һәрбий оркестрлар «җәңлиригә» он төрт мәмликәттин 26 коллектив қатнашти. Қазақстанлиқлар Қизил мәйдандики концертини «Абылай-хан» һәрбий марши билән башлиди. Андин кейин сәһнигә уссулчилар коллективи билән солистлар Асылхан Шалқаров вә Гүлнур Әдилбекова чиқип, «Сүгірдің термесі» миллий сазни орунлиди. Әнди программини қазақ даласиниң бепаянлиғини, елимизниң өтмүши, һазирқи һаяти вә келәчигини әкис әттүридиған «Ұлы дала» композицияси давамлаштурди.
Оркестр коллективи Россия пайтәхтиниң күнини нишанлаш даирисидә Москваниң түрлүк мәйданлирида концерт көрситип, «Спасск мунариси – балиларға» фестивалиғиму қатнашти.
Қазақстанлиқ җәңчиләр фестивальда түрлүк мәмликәтләрдин кәлгән коллективлар билән тәҗрибә алмаштурди, россияликләрни қазақ миллий музыкиси билән тонуштурди.
625 рет
көрсетілді0
пікір