• Әхбаратлар еқими
  • 22 Қыркүйек, 2017

 «Биз – Қазақстан хәлқи»

Мәмликәтниң этномәдәнийәт бирләшмилириниң талантлиқ вәкиллири Қазақстан хәлқи Ассамблеясиниң фестивалиға қатнашти. Течлиқ вә Разимәнлик Сарийида болуп өткән мәйрәм «Биз – Қазақстан хәлқи» дәп аталди. Фестивальниң мәхсити – хәлқимизниң бирлигини күчәйтиш, көпмилләтлик Қазақстанниң мәдәний әнъәнилирини риваҗландуруш. Униңда мәмликәтниң һәрбир 16 региони тамашибинларни этномәдәнийәт бирләшмилириниң иҗадийити билән тонуштурди. Улар сәһнигә чиқиштин авал ана жут тоғрилиқ қисқа видеороликлар көрситилди. «Ана жут – һәрқандақ адәмниң қәлбидин чоңқур орун алидиған муқәддәс җай. Бизниң умумий улуқ вәтинимиз – Қазақстан әйнә шундақ муқәддәс жутлардин башлиниду»  – жүргүзгүчиләр фестивальни әйнә шундақ сөзләр билән башлиди. Қатнашқучиларға вә тамашибинларға Қазақстан хәлқи Ассамблеясиниң дунияниң һечбир дөлитидә тәңдиши йоқ қурулум екәнлигини, униң бөлүнмилириниң җумһурийәтниң һәрбир регионида паалийәт елип бериватқанлиғини әслитип өтти. Фестиваль Серик Мусалимовниң «Әссалам, пайтәхт!» нахшиси билән башланди. Униңда һәрбир қатнашқучи өзиниң миллий кийимини кийгәнликтин, мәмликитимиздә қанчилиқ милләт билән еләтниң иҗил-инақ яшаватқанлиғидин далаләт берәтти. Фестивальниң концерт программисида мустәқиллик жиллирида вуҗутқа кәлгән әсәрләр яңриди. Тәбиийки, уларниң бесим көпчилиги ана жут тоғрилиқ болди. Фестиваль давамида этномәдәнийәт бирләшмилириниң вәкиллири, җүмлидин кичик талантлар қазақ тилида нахшиларни ейтти, миллий уссулларни иҗра қилди.

198 рет

көрсетілді

0

пікір
Алдыңғы мақала Аилә күни атап өтүлди
Келесі мақала Гезитимиз җанкөйәри

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы