- «Мәшъәлниң» меһмини
- 28 Қыркүйек, 2017
Модаһәққидә немә билисиз?
Индустрияләштүрүш, йеңилиниш вә илмий йеңилиқлар әсиригә айналған ХХІ йүзжиллиқ яшлардин һәртәрәплимә риваҗлинишни тәләп қилиду. Шуңлашқа йеңи әвлатни тәрбийиләш системисидиму өзгиришләрниң болуши тәбиий нәрсә. Шуңлашқа биз бүгүн яшларни көпирәк қизиқтуридиған мода тоғрисида ейтип өтмәкчимиз.
Мода — бу көпчиликниң хаһишиға җавап беридиған үлгә, йәни бәлгүлүк бир вақит арилиғидики илғар көзқарашлар жиғиндиси болуп һесаплиниду. Мода пәқәт өзини-өзи көрситиш усули әмәс. Уни умумий психологиялик мөҗүзә десиму болиду. Бәзиләр «мода» чүшәнчисидә пәқәт кийим-кечәкнила көз алдиға кәлтүриду. Бу тоғра әмәс. Чүнки мода һәммә нәрсини өз ичигә алиду.
Модиниң тәсиригә көпирәк яшлар учрайду. Уларға беғишланған заманивий гезит-журналлар көпчиликкә мәлум брендлардин ташқири, немә кийиш, немә тиңшаш, немә оқуш, һәтта немә йәп-ичиш керәклиги һәққидә мәслиһәтләрни беридиған болди. Биз бу йәрдә миллий кийим-кечәкләр тоғрисида немә ейталаймиз? Һәрбир шәхс бәлгүлүк бир миллий топниң вәкили. Һә, миллий кийим үлгиси шу милләтниң асасий рәмзи болғанлиқтин, у һәрқачан жуқури тәләпкә вә еһтияҗға егә болуп қалиду.
Шуңлашқиму көпмилләтлик Қазақстан Җумһурийитидә яшаватқан барлиқ этносларниң миллий алаһидилигини сақлаш, урпи-адәтлирини риваҗландуруш мәхситидә Қазақстан хәлқи Ассамблеяси тәрипидин «Этно-FASHІON» мода көргәзмисини уюштуруш әнъәнигә айланған. Униңда пәқәт қазақстанлиқ дизайнерлар тәвсийә қилған заманивий үлгидики миллий кийимләр намайиш қилиниду. Шу нәрсә диққәткә сазавәрки, йәрлик дизайнерлар һәрхил милләт вәкиллириниң кийимлирини уларниң миллий алаһидиликлирини һесапқа алған һалда тикишкә алаһидә әһмийәт бериду. Шуңлашқиму бу кийимләр хәлиқ арисида аммибаплиққа айлинип, уларға буйрутма бәргүчиләр сани күндин-күнгә көпийиватиду.
298 рет
көрсетілді0
пікір