• Йеңилиқлар
  • 28 Қыркүйек, 2017

Америкидин миллий кодни издәватиду

Бәхтишат СОПИЕВ, «Уйғур авази»/ Йеқинда «Нур Отан» партиясиниң Алмалы наһийәлик шөбисидә мәзкүр шөбә әзалири баш қошуп, “дүгләк үстәл” әтрапида Қазақстан Җумһурийитиниң Президенти Нурсултан Назарбаевниң «Келәчәккә нишан: мәнивий йеңилиниш» мақалисини муһакимә қилди. “Дүгләк үстәлдә” дәсләпки сөз Корей этномәдәнийәт мәркизи рәисиниң орунбасари, Қазақстан хәлқи Ассамблеясиниң әзаси, тарих пәнлириниң доктори, профессор Георгий Канға берилди. — Президентниң мәзкүр мақалисиниң йоруқ көргинигә алтә ай болди. Йерим жилниң ичидә елимиздә көплигән өзгиришләр йүз бәрди, — дәп сөзини башлиди у. —  Адәмләрниң аң-сәвийәсини өзгәртиш, миллий кодни сақлап қелиш охшаш мәсилиләр әтрапида бу хилдики чарә-тәдбирләр җай- җайларда һәр күни дегидәк өтүватиду. Һәтта чәт әлләрдики қазақларниңму «Немә қилиш керәк?», «Қандақ қилиш керәк?» соаллар әтрапида баш қатуруватқининиң гувачиси болуватимиз. Өткәндә маңа Интернет торлири арқилиқ америкилиқ 16 яшлиқ бир балидин хәт кәпту. Униң туғулған йери әсли Қазақстан екән. Буни у кейин билгән охшайду. Бу балини гөдәк пәйтидә америкилиқ ата-аниси мошу яқтин елип кәткән екән. Қисқиси, он алтә яшлиқ бала маңа соалларни яғдурувәтти. Он алтә яшлиқ балиниң қоюватқан соаллирини аңлап, һәйран қалдим. Мәсилән, «қазақ алди билән немини билиш керәк?», «қазақ үчүн әң муһим нәрсә немә?» дегәнгә охшаш соаллар. Мән хелә ойландим. Ахири чүшәндим. Бу бала миллий кодни издәватиду. Униң соаллириға алдиримай, тәпсилий җавап бәрдим. Шуниңдин кейин сөзгә чиққан «Нур Отан» партияси Алмалы наһийәлик шөбиси рәисиниң орунбасари Найля Ордабаева, Алмута шәһәрлик мәслиһәтниң депутати Сабина Амангелды, «Уйғур авази» гезитиниң баш муһәррири Ершат Әсмәтов, «Қазақстан балилири» җәмийәтлик фондиниң мудири Гаухар Танашева, «АлМед» медицина мәркизиниң баш врачи Аслан Байзаханов, Алмалы наһийәлик өзини өзи башқуруш комитетиниң уйғунлаштурғучиси Кусман Шалабаев жуқурида аталған, шундақла латин һәрипигә көчүш охшаш мәсилиләр әтрапида өз ой-пикирлири билән бөлүшти.

163 рет

көрсетілді

0

пікір
Алдыңғы мақала Дархан Мыңбай: «Латин йезиғиға көчүш — вақит тәливи»
Келесі мақала Аэропортта вә “Қайратниң” базисида болди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *